قازاقتىڭ قابىرعالى قالامگەرى، كورنەكتى مەملەكەت جانە قوعام قايراتكەرى، جازۋشى-دراماتۋرگ، قازاقستان رەسپۋبليكاسىنىڭ ەڭبەك سىڭىرگەن قايراتكەرى راحىمجان قاسىمعاليۇلى وتارباەۆتىڭ ورتامىزدان كەتكەنىنە دە ءۇش جىلدان استى. قالىڭ وقىرمانى، ارتىنان ەرگەن رۋحاني ءىنى-قارىنداستارى سۇيىكتى جازۋشىسىن ساعىنا ىزدەيدى. مارقۇم ءتىرى بولعاندا بيىل الپىس بەس جىلدىعىن تويلاپ، ورتامىزدا جۇرەر ەدى. وسى اتاۋلى جاسقا وراي وتارباەۆ شىعارماشىلىعىنا ارنالعان ادەبي سىن بايقاۋى وتەدى.
تومەندە: «راحىمجان وتارباەۆ دراماتۋرگياسى: زەرتتەۋ مەن زەردەلەۋ»رەسپۋبليكالىق بايقاۋىنىڭ ەرەجەسى
- جالپى ەرەجەلەر
1.1 «راحىمجان وتارباەۆ دراماتۋرگياسى: زەرتتەۋ مەن زەردەلەۋ» اتتى رەسپۋبليكالىق بايقاۋ (بۇدان ءارى – بايقاۋ) قازاقتىڭ كلاسسيك جازۋشىسى، دارىندى دراماتۋرگ، ۇلت جاناشىرى راحىمجان وتارباەۆتىڭ 65 جىلدىق مەرەيتويىنا وراي وتەدى.
1.2 بايقاۋ «راحىمجان وتارباەۆ شىعارماشىلىعى. ادەبي سىن» ءداستۇرلى رەسپۋبليكالىق بايقاۋ اياسىندا ۇيىمداستىرىلادى.
1.3 بايقاۋ راحىمجان وتارباەۆتىڭ درامالىق شىعارمالارىن ادەبي سىن تۇرعىسىنان زەرتتەگەن جۇمىستارعا باعىتتالعان.
بايقاۋدىڭ ماقساتى:
- سىن جانرىندا، سونىڭ ىشىندە كەنجەلەپ قالعان دراماتۋرگيالىق شىعارمالاردى زەرتتەۋدە ەڭبەك ەتىپ جۇرگەن ىزدەنۋشىلەردى تابۋ، ىنتالاندىرۋ، ناسيحاتتاۋ;
- راحىمجان وتارباەۆتىڭ درامالىق شىعارمالارىن ادەبيەتتانۋ سالاسىنىڭ زەرتتەۋ نىسانىنا اينالدىرۋ;
- الەم جانە قازاق دراماتۋرگتەرىمەن سالىستىرا وتىرا راحىمجان وتارباەۆتىڭ درامالىق شىعارمالارىنداعى باستى ەرەكشەلىكتەردى انىقتاۋ;
- راحىمجان وتارباەۆتىڭ درامالىق شىعارماشىلىعىنداعى تاريحي تۇلعالارعا، الەۋمەتتىك، جالپى ادامزاتتىق تاقىرىپتارعا زەرتتەۋ جۇرگىزۋ.
- بايقاۋدى وتكىزۋ ءتارتىبى
2.1 «راحىمجان وتارباەۆ رۋحانيات قورى» جەكە قورى (بۇدان ءارى – قور) بايقاۋدىڭ ۇيىمداستىرۋشىسى بولىپ تابىلادى.
2.2 بايقاۋ قورىتىندىسى راحىمجان وتارباەۆتىڭ 65 جىلدىق مەرەيتويى قارساڭىندا اتىراۋ قالاسىندا وتەدى (كارانتين جاعدايىنا بايلانىستى قورىتىندى قاشىقتىقتان ءوتۋى مۇمكىن. وزگەرىستەر قور پاراقشاسىندا فب جانە ينستاگرام الەۋمەتتىك جەلىلەرىندە الدىن-الا حابارلانادى).
- بايقاۋعا قويىلاتىن تالاپتار:
3.1 رەسپۋبليكالىق بايقاۋعا قاتىسۋشىلاردىڭ جاس ەرەكشەلىگى شەكتەۋسىز.
3.2 بايقاۋعا كەلەسى زەرتتەۋ باعىتتارى بويىنشا جازىلعان جۇمىستار قابىلدانادى:
ءى باعىت – «راحىمجان وتارباەۆ دراماتۋرگياسىنداعى تاريحي تۇلعالار بەينەسىنىڭ اشىلۋ شەبەرلىگى»
ءىى باعىت – «راحىمجان وتارباەۆ دراماتۋرگياسىنداعى الەۋمەتتىك،جالپى ادامزاتتىق تاقىرىپتاردىڭ اشىلۋى»
ءىىى باعىت – ەركىن تاقىرىپ (كەز كەلگەن وتاندىق نەمەسە شەتەلدىك دراماتۋرگتىڭ شىعارماسىن زەرتتەۋ)
3.3 بايقاۋعا قاتىسۋشىلار 2021 جىلدىڭ شىلدە ايىنان باستاپ 2021 جىلدىڭ 30 قىركۇيەگىنە دەيىن ءوز جۇمىستارىن قوردىڭ ەلەكتروندىق پوشتاسىنا (rahimzhanruhaniat@mail.ru) جىبەرۋى ءتيىس.
- بايقاۋدىڭ ناتيجەسىن شىعارۋ
4.1 بايقاۋعا قاتىسۋشىلاردىڭ جۇمىسىن باعالاۋ جانە جۇلدەگەرلەردى انىقتاۋ ءۇشىن قازىلار القاسى قۇرىلادى. قازىلار القاسىنىڭ قۇرامىن قور باسشىلىعى انىقتايدى. قازىلار القاسىنىڭ قۇرامى بەدەلدى ادەبيەتشىلەردەن، تەاترتانۋشىلاردان، عالىمداردان تۇرادى.
4.2 بايقاۋ جەڭىمپازدارى 3 باعىت بويىنشا ء(ى. «راحىمجان وتارباەۆ دراماتۋرگياسىنداعى تاريحي تۇلعالار بەينەسىنىڭ اشىلۋ شەبەرلىگى»; ءىى. «راحىمجان وتارباەۆ دراماتۋرگياسىنداعى الەۋمەتتىك، جالپى ادامزاتتىق تاقىرىپتاردىڭ اشىلۋى»; ءىىى. ەركىن تاقىرىپ) انىقتالادى. ءار باعىتتان تەك ءبىر قاتىسۋشى جەڭىمپاز اتانادى.
4.3 بايقاۋ جەڭىمپازدارى قارجىلاي سىيلىقتارمەن ماراپاتتالادى:
ءى باعىت – «راحىمجان وتارباەۆ دراماتۋرگياسىنداعى تاريحي تۇلعالار بەينەسىنىڭ اشىلۋ شەبەرلىگى» – 500 000 تگ.
ءىى باعىت – «راحىمجان وتارباەۆ دراماتۋرگياسىنداعى الەۋمەتتىك، جالپى ادامزاتتىق تاقىرىپتاردىڭ اشىلۋى» – 500 000 تگ.
ءىىى باعىت – ەركىن تاقىرىپ (كەز كەلگەن وتاندىق نەمەسە شەتەلدىك دراماتۋرگيالىق شىعارمانى زەرتتەۋ) – 250 000 تگ.
4.4 بايقاۋ جەڭىمپازدارى تۋرالى اقپارات بايقاۋ قورىتىندىسى وتكەننەن كەيىن بۇقارالىق اقپارات قۇرالدارىندا جاريالانادى جانە قوردىڭ الەۋمەتتىك جەلىدەگى پاراقشالارىندا ورنالاستىرىلادى.
4.5 بايقاۋعا كەلىپ تۇسكەن شىعارمالار Qalamger.kz ادەبي-تانىمدىق پورتالىنىڭ ونلاين-بايقاۋ بولىمىندە جاريالاناتىن بولادى.
بايلانىس تەك قور ەلەكتروندى پوشتاسى ارقىلى.
E-mail: rahimzhanruhaniat@mail.ru
«راحىمجان وتارباەۆتىڭ رۋحانيات قورى» جەكە قورىنىڭ ديرەكتورى س.ج. وتارباەۆا
