Qazaqtyŋ qabyrǧaly qalamgerı, körnektı memleket jäne qoǧam qairatkerı, jazuşy-dramaturg, Qazaqstan Respublikasynyŋ Eŋbek sıŋırgen qairatkerı Rahymjan Qasymǧaliūly Otarbaevtyŋ ortamyzdan ketkenıne de üş jyldan asty. Qalyŋ oqyrmany, artynan ergen ruhani ını-qaryndastary süiıktı jazuşysyn saǧyna ızdeidı. Marqūm tırı bolǧanda biyl alpys bes jyldyǧyn toilap, ortamyzda jürer edı. Osy atauly jasqa orai Otarbaev şyǧarmaşylyǧyna arnalǧan ädebi syn baiqauy ötedı.
Tömende: «Rahymjan Otarbaev dramaturgiiasy: zertteu men zerdeleu»respublikalyq baiqauynyŋ EREJESI
- JALPY EREJELER
1.1 «Rahymjan Otarbaev dramaturgiiasy: zertteu men zerdeleu» atty respublikalyq baiqau (būdan ärı – Baiqau) qazaqtyŋ klassik jazuşysy, daryndy dramaturg, ūlt janaşyry Rahymjan Otarbaevtyŋ 65 jyldyq mereitoiyna orai ötedı.
1.2 Baiqau «Rahymjan Otarbaev şyǧarmaşylyǧy. Ädebi syn» dästürlı respublikalyq baiqau aiasynda ūiymdastyrylady.
1.3 Baiqau Rahymjan Otarbaevtyŋ dramalyq şyǧarmalaryn ädebi syn tūrǧysynan zerttegen jūmystarǧa baǧyttalǧan.
Baiqaudyŋ maqsaty:
- Syn janrynda, sonyŋ ışınde kenjelep qalǧan dramaturgiialyq şyǧarmalardy zertteude eŋbek etıp jürgen ızdenuşılerdı tabu, yntalandyru, nasihattau;
- Rahymjan Otarbaevtyŋ dramalyq şyǧarmalaryn ädebiettanu salasynyŋ zertteu nysanyna ainaldyru;
- Älem jäne qazaq dramaturgterımen salystyra otyra Rahymjan Otarbaevtyŋ dramalyq şyǧarmalaryndaǧy basty erekşelıkterdı anyqtau;
- Rahymjan Otarbaevtyŋ dramalyq şyǧarmaşylyǧyndaǧy tarihi tūlǧalarǧa, äleumettık, jalpy adamzattyq taqyryptarǧa zertteu jürgızu.
- BAIQAUDY ÖTKIZU TÄRTIBI
2.1 «Rahymjan Otarbaev Ruhaniiat qory» jeke qory (būdan ärı – Qor) Baiqaudyŋ ūiymdastyruşysy bolyp tabylady.
2.2 Baiqau qorytyndysy Rahymjan Otarbaevtyŋ 65 jyldyq mereitoiy qarsaŋynda Atyrau qalasynda ötedı (Karantin jaǧdaiyna bailanysty qorytyndy qaşyqtyqtan ötuı mümkın. Özgerıster Qor paraqşasynda fb jäne instagram äleumettık jelılerınde aldyn-ala habarlanady).
- BAIQAUǦA QOIYLATYN TALAPTAR:
3.1 Respublikalyq Baiqauǧa qatysuşylardyŋ jas erekşelıgı şekteusız.
3.2 Baiqauǧa kelesı zertteu baǧyttary boiynşa jazylǧan jūmystar qabyldanady:
I baǧyt – «Rahymjan Otarbaev dramaturgiiasyndaǧy tarihi tūlǧalar beinesınıŋ aşylu şeberlıgı»
II baǧyt – «Rahymjan Otarbaev dramaturgiiasyndaǧy äleumettık,jalpy adamzattyq taqyryptardyŋ aşyluy»
III baǧyt – Erkın taqyryp (kez kelgen otandyq nemese şeteldık dramaturgtyŋ şyǧarmasyn zertteu)
3.3 Baiqauǧa qatysuşylar 2021 jyldyŋ şılde aiynan bastap 2021 jyldyŋ 30 qyrküiegıne deiın öz jūmystaryn Qordyŋ elektrondyq poştasyna (rahimzhanruhaniat@mail.ru) jıberuı tiıs.
- BAIQAUDYŊ NÄTİJESIN ŞYǦARU
4.1 Baiqauǧa qatysuşylardyŋ jūmysyn baǧalau jäne jüldegerlerdı anyqtau üşın qazylar alqasy qūrylady. Qazylar alqasynyŋ qūramyn Qor basşylyǧy anyqtaidy. Qazylar alqasynyŋ qūramy bedeldı ädebietşılerden, teatrtanuşylardan, ǧalymdardan tūrady.
4.2 Baiqau jeŋımpazdary 3 baǧyt boiynşa (I. «Rahymjan Otarbaev dramaturgiiasyndaǧy tarihi tūlǧalar beinesınıŋ aşylu şeberlıgı»; II. «Rahymjan Otarbaev dramaturgiiasyndaǧy äleumettık, jalpy adamzattyq taqyryptardyŋ aşyluy»; III. Erkın taqyryp) anyqtalady. Är baǧyttan tek bır qatysuşy jeŋımpaz atanady.
4.3 Baiqau jeŋımpazdary qarjylai syilyqtarmen marapattalady:
I baǧyt – «Rahymjan Otarbaev dramaturgiiasyndaǧy tarihi tūlǧalar beinesınıŋ aşylu şeberlıgı» – 500 000 tg.
II baǧyt – «Rahymjan Otarbaev dramaturgiiasyndaǧy äleumettık, jalpy adamzattyq taqyryptardyŋ aşyluy» – 500 000 tg.
III baǧyt – Erkın taqyryp (kez kelgen otandyq nemese şeteldık dramaturgiialyq şyǧarmany zertteu) – 250 000 tg.
4.4 Baiqau jeŋımpazdary turaly aqparat Baiqau qorytyndysy ötkennen keiın būqaralyq aqparat qūraldarynda jariialanady jäne Qordyŋ äleumettık jelıdegı paraqşalarynda ornalastyrylady.
4.5 Baiqauǧa kelıp tüsken şyǧarmalar Qalamger.kz ädebi-tanymdyq portalynyŋ Onlain-Baiqau bölımınde jariialanatyn bolady.
Bailanys tek Qor elektrondy poştasy arqyly.
E-mail: rahimzhanruhaniat@mail.ru
«Rahymjan Otarbaevtyŋ Ruhaniiat qory» jeke qorynyŋ direktory S.J. Otarbaeva
