شىمكەنتتە ونەركاسىپ سالاسى قارقىندى دامىپ كەلەدى. قازىرگى تاڭدا 689 كاسىپورىن بەلسەندى جۇمىس جاسايدى. ونىڭ ىشىندە 24 ءىرى جانە 49 ورتا كاسىپورىن. ونەركاسىپ سالسىندا 32 مىڭنان اسا ادام جۇمىسپەن قامتىلعان.
ال جەڭىل ونەركاسىپ ءوندىرىسىنىڭ كولەمى جىل باسىنان بەرى 9 566,7 ملن تەڭگەنى قۇراپ، بىلتىرعى جىلمەن سالىستىرعاندا 134,1%-كە ارتقان. قالادا وندىرىلگەن ءونىمنىڭ جالپى كولەمىندەگى جەڭىل ونەركاسىپتىڭ ۇلەسى 3,9%-دى قامتىسا، رەسپۋبليكاداعى جەڭىل ونەركاسىپتىڭ ۇلەسى-20,7% - دى قۇرايدى.
شىمكەنت قالاسىنىڭ جەڭىل ونەركاسىبىن توقىما بۇيىمدارىن، كيىم-كەشەك، بىلعارى جانە وعان جاتاتىن ونىمدەر وندىرەتىن كاسىپورىندار ۇسىنادى. اتاپ ايتساق، «AZALA Textile» جشس، «ارايلى» جشس، «جىبەك.م.» جشس، «گاۋحار» تىگىن فابريكاسى جشس، «اگف گرۋپپ» وندىرىستىك كومپانياسى جشس، «ALATEX» جشس، «جاڭاتالاپ-مت» جشس، «KAZPLAST» جشس، «شابيتەكس» جشس، «AZALA Cotton» جشس، «الەم-بت» جشس، «حلوپكوپروم-تسەلليۋلوزا» جشس، «بال تەكستيل» جشس، «نازار تەكستيل» سىندى كاسىپورىندار وسى باعىتتا قارقىندى جۇمىس جاساۋدا.
قازىرگى ۋاقىتتا توقىما ونەركاسىبىن دامىتۋ جانە ونىڭ باسەكەگە قابىلەتتىلىگىن ارتتىرۋ، وتاندىق ماقتانى تۇتىنۋ ۇلەسىن ۇلعايتۋ جانە قوسىلعان قۇنى جوعارى دايىن توقىما ءونىمىن شىعارۋ ءۇشىن 200 گەكتارعا «وڭتۇستىك» ارنايى ەكونوميكالىق ايماعى جۇمىس ىستەيدى. ايماقتىڭ ينۆەستيتسيالىق پورتفەلى جالپى قۇنى 86,1 ملرد.تەڭگە بولاتىن 44 جوبادان تۇرادى. ولار 4318 جۇمىس ورنىن قۇرىپ، جۇمىسپەن قامتۋدا. بۇگىنگى تاڭدا 22 جوبا ىسكە اسىرىلىپ، 32,6 ملرد.تەڭگە سوماسىنا ينۆەستيتسيالار تارتىلىپ، 2282 جۇمىس ورنى قۇرىلعان.
ايتا كەتەيىك «وڭتۇستىك» اەا قاتىسۋشى كاسىپورىندارى ىسكە قوسقان ساتتەن باستاپ 82,1 ملرد.تەڭگەگە ءونىم ءوندىرىپ، ءونىمنىڭ جارتىسىنان كوبى 45,1 ملرد. تەڭگەگە جاقىن جانە الىس 22 ەلگە ەكسپورتتالدى.
شىمكەنت قالاسى اكىمدىگىنىڭ ءباسپاسوز قىزمەتى
