Shymkentte ónerkásip salasy qarqyndy damyp keledi. Qazirgi tańda 689 kásiporyn belsendi jumys jasaıdy. Onyń ishinde 24 iri jáne 49 orta kásiporyn. Ónerkásip salsynda 32 myńnan asa adam jumyspen qamtylǵan.
Al jeńil ónerkásip óndirisiniń kólemi jyl basynan beri 9 566,7 mln teńgeni qurap, byltyrǵy jylmen salystyrǵanda 134,1%-ke artqan. Qalada óndirilgen ónimniń jalpy kólemindegi jeńil ónerkásiptiń úlesi 3,9%-dy qamtysa, respýblıkadaǵy jeńil ónerkásiptiń úlesi-20,7% - dy quraıdy.
Shymkent qalasynyń jeńil ónerkásibin toqyma buıymdaryn, kıim-keshek, bylǵary jáne oǵan jatatyn ónimder óndiretin kásiporyndar usynady. Atap aıtsaq, «AZALA Textile» JShS, «Araıly» JShS, «Jibek.M.» JShS, «Gaýhar» tigin fabrıkasy JShS, «AGF Grýpp» óndiristik kompanııasy JShS, «ALATEX» JShS, «Jańatalap-MT» JShS, «KAZPLAST» JShS, «Shabıteks» JShS, «AZALA Cotton» JShS, «Álem-BT» JShS, «Hlopkoprom-ellıýloza» JShS, «Bal Tekstıl» JShS, «Nazar tekstıl» syndy kásiporyndar osy baǵytta qarqyndy jumys jasaýda.
Qazirgi ýaqytta toqyma ónerkásibin damytý jáne onyń básekege qabilettiligin arttyrý, otandyq maqtany tutyný úlesin ulǵaıtý jáne qosylǵan quny joǵary daıyn toqyma ónimin shyǵarý úshin 200 gektarǵa «Ońtústik» arnaıy ekonomıkalyq aımaǵy jumys isteıdi. Aımaqtyń ınvestıııalyq portfeli jalpy quny 86,1 mlrd.teńge bolatyn 44 jobadan turady. Olar 4318 jumys ornyn quryp, jumyspen qamtýda. Búgingi tańda 22 joba iske asyrylyp, 32,6 mlrd.teńge somasyna ınvestıııalar tartylyp, 2282 jumys orny qurylǵan.
Aıta keteıik «Ońtústik» AEA qatysýshy kásiporyndary iske qosqan sátten bastap 82,1 mlrd.teńgege ónim óndirip, ónimniń jartysynan kóbi 45,1 mlrd. teńgege jaqyn jáne alys 22 elge eksporttaldy.
Shymkent qalasy ákimdiginiń baspasóz qyzmeti
