الەمگە ايگىلى رەجيسەر وليۆەر ستوۋن ءوزى پروديۋسەرلىك ەتكەن «Qazaq. التىن ادام تاريحى» اتتى ءفيلمىنىڭ تانىستىرىلىمىندا قازاقستان تۋرالى پىكىرىمەن ءبولىستى، دەپ حابارلايدى "ادىرنا" ۇلتتىق پورتالى قازاقپارات-قا سىلتەمە جاساپ.
ء"سىز قاراپايىم امەريكالىقتارعا قازاقستاندى قانداي ەل دەپ سيپاتتار ەدىڭىز؟»، - دەگەن سۇراق قويىلعان بولاتىن امەريكالىق مامانعا. «سىزگە قازاقستاندى ءتۇسىنۋ قيىن بولۋى مۇمكىن، بىراق بۇل الەمنىڭ بولاشاعى ءۇشىن وتە ماڭىزدى ەل. قازاقستاندا تالانتتى ادامدار كوپ. بۇل وتە پروگرەسسيۆتى ەل. وتكەن عاسىردىڭ 90-شى جىلدارىنان باستاپ بۇگىنگى كۇنگە دەيىن قىتاي سياقتى قازاقستاندا دا ۇلكەن وزگەرىستەر بولىپ جاتقانىن كورىپ وتىرمىز. بۇل – ۇلكەن ۇلگى جانە الىپ ەل»، - دەدى بەلگىلى كينو مامانى.
ونىڭ ايتۋىنشا، امەريكالىق ساراپشىلار قازاقستاننىڭ الەۋەتىن جاقسى ءبىلىپ وتىر.
«امەريكالىق ساراپشىلار قازاقستاندى وداقتاس رەتىندە كورگىسى كەلەدى. بىراق بۇل ءبىر جاعىنان رەسەي مەن قىتايعا قارسى ارەكەت بولىپ كورىنۋى دە مۇمكىن. سوندىقتان قازاقستان وسى ۇدەرىستەردىڭ بارىندە ماڭىزدى ءرول اتقارادى. قازاقستان بارلىق سەرىكتەستەرىمەن دوستىق قارىم-قاتىناستا. مەن ۇنەمى ايتامىن، ءبىز ءبىر-بىرىمىزبەن كۇرەسۋدىڭ ورنىنا كليماتتىڭ وزگەرۋىن جەڭۋ ءۇشىن بىرگە جۇمىس ىستەۋىمىز كەرەك، تەكەتىرەس جاقسى نارسەگە اكەلمەيدى. جالپى، ديپلوماتيا قۇرىلىمىن وزگەرتۋ كەرەك»، -دەدى وليۆەر ستوۋن.
- اقپارات inform.kz سايتىنان الىندى
