Älemge äigılı rejiser Oliver Stoun özı prodiuserlık etken «Qazaq. Altyn adam tarihy» atty filmınıŋ tanystyrylymynda Qazaqstan turaly pıkırımen bölıstı, dep habarlaidy "Adyrna" ūlttyq portaly QazAqparat-qa sılteme jasap.
"Sız qarapaiym amerikalyqtarǧa Qazaqstandy qandai el dep sipattar edıŋız?», - degen sūraq qoiylǧan bolatyn amerikalyq mamanǧa. «Sızge Qazaqstandy tüsınu qiyn boluy mümkın, bıraq būl älemnıŋ bolaşaǧy üşın öte maŋyzdy el. Qazaqstanda talantty adamdar köp. Būl öte progressivtı el. Ötken ǧasyrdyŋ 90-şy jyldarynan bastap bügıngı künge deiın Qytai siiaqty Qazaqstanda da ülken özgerıster bolyp jatqanyn körıp otyrmyz. Būl – ülken ülgı jäne alyp el», - dedı belgılı kino mamany.Onyŋ aituynşa, amerikalyq sarapşylar Qazaqstannyŋ äleuetın jaqsy bılıp otyr.
«Amerikalyq sarapşylar Qazaqstandy odaqtas retınde körgısı keledı. Bıraq būl bır jaǧynan Resei men Qytaiǧa qarsy äreket bolyp körınuı de mümkın. Sondyqtan Qazaqstan osy üderısterdıŋ bärınde maŋyzdy röl atqarady. Qazaqstan barlyq serıktesterımen dostyq qarym-qatynasta. Men ünemı aitamyn, bız bır-bırımızben küresudıŋ ornyna klimattyŋ özgeruın jeŋu üşın bırge jūmys ısteuımız kerek, teketıres jaqsy närsege äkelmeidı. Jalpy, diplomatiia qūrylymyn özgertu kerek», -dedı Oliver Stoun.
- Aqparat inform.kz saitynan alyndy
Ūqsas jaŋalyqtar
