رەسەيدەن بالالاردىڭ شىعۋىنا قاتىستى جاڭا تالاپتار سۋرگۋت قالاسىنداعى قازاق دياسپوراسىنىڭ نارازىلىعىن تۋدىردى، دەپ حابارلايدى "ادىرنا" ۇلتتىق پورتالى.
باق بەتتەرىندە تاراعان اقپاراتقا سايكەس، رەسەيدەن قازاقستان، قىرعىزستان، بەلارۋس، ابحازيا جانە وڭتۇستىك وسەتياعا 14 جاسقا دەيىنگى بالالاردىڭ شىعۋى قيىنداي تۇسپەك. ەندى ولاردى ەلدەن شىعارۋ ءۇشىن شەتەلدىك پاسپورت قاجەت بولادى. بۇعان دەيىن كامەلەتكە تولماعاندار تۋ تۋرالى كۋالىكپەن ساپار شەگەتىن.
الايدا بۇل وزگەرىستەرگە قازاق دياسپوراسى قارسىلىق تانىتقان. “اتامەكەن” قازاق ۇلتتىق-مادەني اۆتونومياسىنىڭ توراعاسى رۋستام قۇجاحمەتوۆ ءوز سوزىندە بۇل ماسەلەنىڭ قيىن ەكەنىن ايتتى.
“رەسەي مەن قازاقستان — ءبىرتۇتاس كەدەن وداعىنىڭ مۇشەلەرى. وندا نەگە 14 جاسقا دەيىنگى بالالارعا شەتەلدىك پاسپورت قاجەت؟ نەلىكتەن بۇرىنعىداي تۋ تۋرالى كۋالىكپەن وتۋگە بولمايدى؟ بۇل ەرەجە شەكارادان ءوتۋ ءىسىن قيىنداتىپ، اتا-انالارعا قوسىمشا اۋىرتپالىق تۇسىرەدى”، — دەدى ول sitv.ru-عا بەرگەن سۇحباتىندا.
قۇجاحمەتوۆتىڭ ايتۋىنشا، جاڭا تالاپ سالدارىنان سۋرگۋتتاعى كوپتەگەن وتباسىلار جازعى كانيكۋلدا بالالارىن تاريحي وتانىنا جىبەرۋدە قيىندىققا تاپ بولۋى مۇمكىن.
دياسپورا وكىلدەرى رەسەي بيلىگىن بۇل ەرەجەنى قايتا قاراۋعا شاقىرىپ وتىر.
