شىمكەنتتە دومبىرا كۇنىنe وراي عيماراتتار ۇلى كۇيشىلەردىڭ پورترەتتەرىمەن بەزەندىرىلدى

5385
Adyrna.kz Telegram

شىمكەنتتە ۇلتتىق دومبىرا كۇنى اتالىپ ءوتتى. كارانتيندىك شارالاردىڭ كۇشەيۋىنە بايلانىستى بۇقارالىق-مادەني ءىس-شارالاردىڭ كوپشىلىگى ونلاين فورماتتا ءوتتى. دەسە دە، ەكى ەرەكشە وقيعا مەگاپوليس تۇرعىندارى مەن قوناقتارىنىڭ نازارىن اۋداردى.

شاھارداعى "تۇركىستان" سارايى مەن ج.شانين اتىنداعى اكادەميالىق قازاق دراما تەاترىنىڭ عيماراتتارىنا پوپ-ارت ستيلىندەگى ۇلى كۇيشىلەردىڭ ۇلكەن پورترەتتەرى ءىلىندى. وسىلايشا، بيلىك اڭىزعا اينالعان قۇرمانعازى، دينا، تاتتىمبەت، داۋلەتكەرەي، كەنەن ازىرباەۆ، ءبىرجان سال، قازانعاپ، جاياۋ مۇسا سىندى قازاقتىڭ دومبىرادا ويناۋ شەبەرلەرىنىڭ ءرولىن كرەاتيۆتى تۇردە كورسەتتى. ولاردىڭ سۋرەتتەرى قالاداعى بيلبوردتارعا دا ءىلىنىپ، كەڭىنەن ناسيحاتتالدى.

ال ShymQala ەتنواۋىلىندا دومبىرا جاساۋ بويىنشا ونلاين-ماستەر-كلاسس ءوتتى. قولونەرشىلەر ۇلتتىق اسپاپتىڭ قانداي ماتەريالداردان جانە قالاي جاسالاتىنىن، ونىڭ بىرەگەيلىگى مەن مۇمكىندىكتەرى تۋرالى ايتىپ بەردى.
بۇل كۇنى قالا كىتاپحانالارىندا كىتاپ كورمەلەرى مەن ادەبي كەشتەر ۇيىمداستىرىلدى. ال ارباتتا كوسپلەەر-ارتىستەر كوستيۋمدەر مەن اتريبۋتتاردىڭ كومەگىمەن تانىمال كۇيشىلەردىڭ بەينەسىن سومدادى.

دومبىرا جۇزدەگەن جىلدار بويى قازاقتاردىڭ قۋانىشى مەن قايعىسىنىڭ دا كۋاگەرى بولدى. بيىل قازاقستاندا دومبىرا كۇنى ءتورتىنشى رەت اتاپ وتىلۋدە. بۇل ۇلتتىق قۇندىلىقتاردى دارىپتەۋگە باعىتتالعان وتە ماڭىزدى مەرەكە. اسىرەسە جاستار ءۇشىن وتە ماڭىزدى.

ەستەرىڭىزگە سالا كەتەيىك، 2018 جىلى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ شىلدەنىڭ ءبىرىنشى جەكسەنبىسىن ۇلتتىق دومبىرا كۇنى دەپ بەلگىلەۋ تۋرالى قاۋلى شىعارعان بولاتىن. 2014 جىلى يۋنەسكو ءداستۇرلى دومبىرا كۇيىن ورىنداۋ ونەرىن ادامزاتتىڭ ماتەريالدىق ەمەس مادەني مۇراسى دەپ تانىدى. دومبىرا كۇيى ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلگەن العاشقى قازاقستاندىق مۇرا بولدى.

پىكىرلەر