بيوحاكينگ دەگەن نە؟

3162
Adyrna.kz Telegram
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

بيوحاكەرلەردى ءبىر وي بىرىكتىرەدى. ولار عىلىمنىڭ كومەگىمەن اعزانىڭ مۇمكىندىكتەرىن ارتتىرىپ، ومىرلەرىن ۇزارتقىسى كەلەدى. ءبىر قىزىعى ارقايسىسىنىڭ ءوز مەتودولوگياسى مەن تاجىريبەسى بار. مۇنان بولەك بيوحاكەرلەردىڭ ءومىر ءسۇرۋ ءستيلى مەن بىرنەشە لايفحاكتارى بار. ولاي بولسا، ءبىرسىپىراسىن نازارلارىڭىزعا ۇسىنايىق.

دۇرىس تاماقتانۋ

كوپتەگەن بيوحاكەرلەر ەڭ الدىمەن دۇرىس تاماقتانۋعا كەڭەس بەرەدى. “اۋرۋ - استان” دەمەكشى، تۇتىنعان تاعامىڭىزعا ءمان بەرسەڭىز، كوپتەگەن اۋرۋ-سىرقاۋدىڭ الدىن العان بولار ەدىڭىز. ولاردىڭ باسىم بولىگى مايلى تاعامدار مەن گازدالعان سۋسىنداردى جەمىس-جيدەك پەن سالات جاپىراقتارىنا الماستىرعان.

دارۋمەن قابىلداۋ

بۇگىندە ءدارى-دارمەكتىڭ دە، دارۋمەننىڭ دە ءتۇر-ءتۇرى بار. ونى ىزدەپ الىسقا سابىلۋدىڭ دا قاجەتى شامالى. توڭىرەكتەگى دارىحاناعا بارساڭىز، دارۋمەننىڭ نەشە ءتۇرىن تاباسىز. وسىلايشا، اعزاداعى جەتكىلىكسىز دەپ تاپقان دارۋمەننىڭ ورنىن وپ-وڭاي تولتىرۋعا بولادى.

سالاۋاتتى ءومىر سالتىن ۇستانۋ

سالاۋاتتى ءومىر سالتىن ۇستانۋ تەك دۇرىس تاماقتانۋمەن شەكتەلمەيدى. سونداي-اق، سپورت، ۇيقى مەن الكوگول، گازدى سۋسىنداردان باس تارتۋ دا تەرىدە ايتارلىقتاي بىلىنەتىنىن بايقاعان شىعارسىز.

كۇلكى، كۇلكى جانە كۇلكى

كۇلكى - ءومىردى ۇزارتاتادى دەسەم، امەريكا اشقانىم ەمەس. راسىندا، كۇلكىنىڭ ماڭىزى اسا زور. كۇندەلىكتى عاجاپ ساتتەرگە شىن جۇرەكتەن قۋانا ءبىلۋ - ءومىردى ۇزارتادى. ءارى ۇنەمى تۇنەرىپ جۇرەتىندەرگە قاراعاندا جادىراپ-جايناپ جۇرەتىندەر ءوز جاسىنان الدەقايدا جاس كورىنەتىنىن بايقادىڭىز با؟!

مەديتاتسيا

ءوز-وزىڭمەن تىنىشتىقتا قالىپ، ىشكى داۋىسىڭدى تىڭداي الۋ ماڭىزدى. اينالاداعى ارتىق شۋ ادامنىڭ ميىنا كەرى اسەرىن تيگىزەرىن ۇمىتپايىق. ال مەديتاتسيا جان تىنىشتىعىن قالپىنا كەلتىرىپ، ءوز ىشكى داۋسىڭدى تىڭداۋعا سەپتىگىن تيگىزەدى. قۇلاققاپ كيىپ الىپ، 10 مينۋت بويى تاپجىلماي وتىر دەمەسەك تە، 10-20 مينۋت تىنىشتىقتا جاياۋ سەرۋەندەگەنىڭىز ارتىق ەتپەس.

جاتتىعۋ

ءسىزدىڭ زالدا ءارى-بەرى جۇگىرۋگە، زىلتەمىر كوتەرىپ، اەروبيكامەن اينالىسۋعا ۋاقىتىڭ جوق پا؟ ەندەشە جاي عانا جاتتىعۋ جاساڭىز. ول ءۇشىن ساعاتتاپ دەنە قيمىلىن جاساۋدىڭ قاجەتى شامالى. بار بولعانى ازداعان ۋاقىتىڭىزدى ءبولىپ، تۇراقتى تۇردە دەنە قيمىلىن جاساپ تۇرساڭىز جەتكىلىكتى.

بيوحاكەرلەر ءتۇرلى عىلىمنىڭ كومەگىمەن ءومىردى بارىنشا ساپالى ەتىپ، ۇزارتۋعا بولاتىنىنا سەنىمدى. نەگىزگى ماقساتتارى - سانالى وي قالىپتاستىرۋ ارقىلى ءومىر ءستيلىن بارىنشا جاقسى جاعىنا قاراي وزگەرتۋ. بۇل بيوحاكەرلەردىڭ لايفستايلى. سىزگە دە ءومىر سالتىڭىزدى دۇرىستاپ، دەنساۋلىعىڭىزعا كوڭىل بولۋگە كەش ەمەس. بۇل ءسىزدىڭ قولىڭىزدان كەلەدى.

نازەركە اسەتوۆا

پىكىرلەر