شىمكەنت قالاسىنداعى باتىس شاعىن اۋدانىن ساپالى اۋىز سۋمەن قامتاماسىز ەتۋ ماقساتىندا قۇرىلىس جۇمىستارى 2020 جىلدىڭ مامىر ايىندا باستالعان بولاتىن. ۇزىندىعى 151,47 شاقىرىمدى قۇرايتىن اۋىز سۋ قۇبىرىنىڭ بۇگىندە 60 پايىزى تارتىلعان.
مەردىگەر مەكەمە «مەليوراتور» جشس-ى تاراپىنان قارقىندى ءجۇرىپ جاتقان قۇرىلىس جۇمىستارى قازان ايىندا اياقتالادى دەپ جوسپارلانۋدا. دەمەك، جىل سوڭىنا دەيىن باتىس شاعىن اۋدانىنداعى 2 مىڭنان استام تۇرعىن ساپالى اۋىز سۋمەن قامتىلاتىن بولادى.
ەنەرگەتيكا جانە ينفراقۇرىلىم باسقارماسىنىڭ مالىمەتىنشە، اتالعان شاعىن اۋداندى تابيعي گاز جانە ەلەكتر قۋاتىمەن قامتۋ ءۇشىن دە قۇرىلىس جۇمىستارى باستالعان. بۇگىنگە دەيىن 289 ەلەكتر باعانالارى ورناتىلدى. بۇل ماسەلەلەر الداعى جىلى تولىعىمەن اياقتالادى. ناتيجەسىندە 2243 ابونەنت ساپالى ەلەكتر قۋاتىنا، 9865 ابونەنت كوگىلدىر وتىنعا قول جەتكىزەدى.
شىمكەنت قالاسى اكىمىنىڭ ءباسپاسوز قىزمەتى
