Batys shaǵyn aýdany jyl sońyna deıin sapaly aýyz sýmen qamtylady

2598
Adyrna.kz Telegram

Shymkent qalasyndaǵy Batys shaǵyn aýdanyn sapaly aýyz sýmen qamtamasyz etý maqsatynda qurylys jumystary 2020 jyldyń mamyr aıynda bastalǵan bolatyn. Uzyndyǵy 151,47 shaqyrymdy quraıtyn aýyz sý qubyrynyń búginde 60 paıyzy tartylǵan.

Merdiger mekeme «Melıorator» JShS-y tarapynan qarqyndy júrip jatqan qurylys jumystary qazan aıynda aıaqtalady dep josparlanýda. Demek, jyl sońyna deıin Batys shaǵyn aýdanyndaǵy 2 myńnan astam turǵyn sapaly aýyz sýmen qamtylatyn bolady.

Energetıka jáne ınfraqurylym basqarmasynyń málimetinshe, atalǵan shaǵyn aýdandy tabıǵı gaz jáne elektr qýatymen qamtý úshin de qurylys jumystary bastalǵan. Búginge deıin 289 elektr baǵanalary ornatyldy. Bul máseleler aldaǵy jyly tolyǵymen aıaqtalady. Nátıjesinde 2243 abonent sapaly elektr qýatyna, 9865 abonent kógildir otynǵa qol jetkizedi.

Shymkent qalasy ákiminiń baspasóz qyzmeti

Pikirler