ەل تاۋەلسىزدىگىنىڭ 30 جىلدىعى اياسىندا وتكەن جەكسەنبىدە 150-دەن اسا ادام قاتىسقان ۆەلوشەرۋ ءوتتى. قالا اكىمدىگى، دەنەشىنىقتىرۋ جانە سپورت ءبولىمىنىڭ قولداۋىمەن «Velotravel Tekeli» كلۋبى ۇيىمداستىرعان شارا كوپشىلىكتىڭ كوزايىمىنا ايyالىپ، رۋحتى اسپانداتىپ، تۇمسا تابيعاتتى تەكەلىنى تاعى ءبىر قىرىنان تانىتتى.
مادەنيەت ءۇيىنىڭ الاڭىنا جينالعان ۆەلوشەرۋشىلەر مەن تاماشالاۋعا كەلگەن قاۋىمعا جىلى لەبىزىن ءبىلدىرىپ، تاۋەلسىزدىك تاڭدارىندا قايتا تۇلەگەن شاعىن قالامىزدىڭ تۋريستىك الەۋەتىن ارتتىرۋ ۋاقىت تالابى ەكەنىن، ەل مەن جەر تانۋعا، جاس ۇرپاقتى پاتريوتيزمگە باۋلۋعا ىقپالى زور وسىنداي شارالاردىڭ اۋقىمىن كەڭەيتۋدىڭ ماڭىزدىلىعىن العا تارتقان قالا اكىمى باتىر مولداحمەتوۆ ەگەمەندى ەلىمىزدىڭ ەڭسەلى بولۋىن تىلەپ، جۇرتشىلىقتى سالاۋاتتى ءومىر سالتىن ۇستانۋعا، بۇقارالىق سپورتقا بەت بۇرۋعا شاقىردى.
پاندەميانىڭ سالدارىنان كەيىنگە شەگەرىلگەن بيىلعى ۆەلوماۋسىمنىڭ اشىلۋىنا وراي ۇيىمداستىرىلعان سالتاناتتى شەرۋگە قاتىسۋشىلار كوك تۋدى جەلبىرەتىپ، ەلدىك رامىزدەرگە قۇرمەت كورسەتىپ، ەلجاندىلىقتىڭ ۇلگىسىن تانىتتى.
ۆەلوشەرۋگە الماتى قالاسىنىڭ «UniversalBicycleTeam»، تالدىقورعاننىڭ «Velopark.TDK»، «Velopark.kz» كلۋبتارى، «جەتىسۋ رەگبي» ايەلدەر كومانداسى، ا.كيۆيلەۆ اتىنداعى ۆەلوسپورتتان وبلىستىق وليمپيادا ءىزباسارلارىن دايىنداۋعا ارنالعان ارناۋلى بالالار مەن جاسوسپىرىمدەر سپورت مەكتەبىنىڭ، كاراتە شينكيوكۋشينكاي فەدەراتسياسىنىڭ تەكەلى قالالىق فيليالىنىڭ جاسوسپىرىمدەرى مەن جاتتىقتى-رۋشىلارى جانە ۆەلوسپورتقا بەيىم قالا تۇرعىندارى مەن قوناقتارى قاتىستى.
ولار الدىن الا بەلگىلەنگەن 8 شاقىرىم جولدى اسقان سالتاناتپەن ءجۇرىپ ءوتتى. پوليتسيا قىزمەتىنىڭ كولىگى قاۋىپسىزدىكتى قامتاماسىز ەتىپ، جول باستاپ وتىردى. ءدال وسى مەزەتتە پاراپلانمەن كوك جۇزىندە تولقىندانا جەلبىرەگەن مەملەكەتتىك تۋىمىز جۇرتشىلىقتىڭ نازارىن اۋدارىپ، كۇن شاپاعىمەن جالقىندانىپ، كوزگە كورىنبەيتىن، جاندى تەبىرەنتەتىن ءبىر سەزىمدى جامىراتىپ، جۇرەكتەردى بىرگە تولقىتتى.
«Velotravel Tekeli» كلۋبىنىڭ جەتەكشىسى ەرمەكساميەۆ:
ءبىزدىڭ كلۋبتىڭ 100-گە تارتا مۇشەسى بار. ۇلكەنىمىز 70-كە كەلىپ قالسا، ەڭ كىشىمىز 8 جاستا. تەك تەكەلى قالاسىنىڭ عانا ەمەس، الماتى، استانا، اتىراۋ قالالارىنىڭ اۋەسقوي ۆەلوسپورتشىلارى كلۋبىمىزدىڭ قاتارىنا قوسىلىپ، تۇراقتى بايلانىس جاساپ تۇرامىز. جەرلەسىمىز، ۆەلوسپورتتان قازاقستان قۇراما كومانداسىنىڭ مۇشەسى، كاسىبي ۆەلوسپورتشى دەنيس سەرگيەنكونىڭ قاسىمىزدان تابىلىپ، شەتەلدەردە وتەتىن دودالارعا «Velotravel Tekeli» كلۋبىنىڭ ارنايى كيىمىن كيىپ قاتىساتىنى ۇلكەن ماقتانىش. جالپى كلۋبىمىز كاسىبي سپورتتىەمەس، تۋريستىك سپورت باعىتىن ۇستانادى. جاقىندا ءبىر توبىمىز بۇرحان بۇلاققا بارىپ كەلدىك. دىتتەگەن جەرگە 10 ساعاتتا جەتتىك. شاتىر قۇرىپ، قونىپ، سارقىرامانىڭ، تابيعاتتىڭ سۇلۋلىعىنا تامسانىپ، تۋعان جەردىڭ قاسيەتىن سەزىنىپ قايتتىق. الداعى ۋاقىتتا كولسايعا، التىنەمەلگە، شارىنعا، جالپى الماتى وبلىسىنداعى تانىمال، تاريحي ورىندارعا بارۋدى جوسپارلاپ وتىرمىز»، – دەپ قوس دوڭگەلەككە قىزىق ءۇشىن قونباعاندارىن، سالاۋاتتى ءومىر سالتىن قولداۋمەن قاتار، وتاندىق ءتۋريزمدى ىلگەرىلەتۋگە كوڭىل بولگەندەرىن اڭعارتتى.
ۆەلوشەرۋگە قاتىسقان الماتىلىق، تالدىقورعاندىق قوناقتاردى سوزگە تارتىپ ەدىك، كوبى تەكەلىگە ءبىرىنشى رەت كەلگەندەرىن، تابيعاتى، اۋاسى ەرەكشە ۇناعانىن ايتتى.
«تۋريستەردى تارتۋعا باعىتتالعان وسىنداي شارالار ءجيى وتكىزىلسە، تەكەلىنى تانيتىنداردىڭ، قايتا كەلۋگە اسىعاتىنداردىڭ قاتارى كوپ بولادى دەپ ويلايمىز»،– دەيدى ولار.
شارا سوڭىندا ۆەلوشەرۋگە بەلسەندى قاتىسقاندار، ۇيىمداستىرۋعا قولقابىس ەتكەندەر العىسحاتتارمەن ماراپاتتالدى، قاتىسۋشىلاردىڭ بارلىعىنا ەستەلىك سىيلىقتار تابىس ەتىلدى.
تورعىن تۇرلىباەۆا
