داستۇرگە اينالعان ۆەلوشەرۋ مەن قايىرىمدىلىق شاراسى

401
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

قازاقستان تاۋەلسىزدىگىنىڭ 30 جىلدىعىنا جانە ۇلى جەڭىس كۇنىنە ارنالعان ۆەلوجارىس وبلىستىق، قالالىق جانە قوستاناي اۋداندىق ءماسليحات دەپۋتاتتارىنىڭ باسىن قوستى. ولار 10-مامىر ۆەلوسيپەدتەردى جالعا الىپ، جارىس باستالاتىن الاڭعا اتتاندى.

جول پوليتسياسىنىڭ قىزمەتكەرلەرى قاتىسۋشىلاردى جولداعى قاۋىپسىزدىك ەرەجەلەرىمەن تانىستىردى. سپورتشىلار پوليتسيا كولىكتەرى مەن جەدەل جاردەم كولىكتەرىنىڭ سۇيەمەلدەۋىمەن وڭ جاق جولاقپەن ءبىر كولوننادا قوزعالۋى كەرەك ەدى.

- كوڭىل-كۇيىمىز وتە تاماشا. بۇگىن ءبىز، قالالىق ءماسليحات دەپۋتاتتارى، وسى اكتسيانى قولداپ، ارىپتەستەرىمىزگە قوسىلۋدى شەشتىك. ءبىز گاشەكاداعى جاعالاۋعا دەيىنگى قاشىقتىقتى ەڭسەرۋىمىز كەرەك، سودان كەيىن قاراعاي وتىرعىزۋعا قاتىسامىز. بۇل جاستاردىڭ نازارىن ەكولوگيالىق پروبلەمالارعا اۋدارۋعا جانە ءبىزدىڭ قالامىزدى كوركەيتۋگە، تازالىقتى ساقتاۋعا ۇلەسىمىزدى قوسۋعا مۇمكىندىك بەرەدى، - دەدى ۆەلوشەرۋگە قاتىسۋشى، "بولشەۆيچكا" فابريكاسىنىڭ ديرەكتورى ارسەن جەتپىسپاەۆ.

دەپۋتات-سپورتشىلار جاعالاۋعا دەيىن 14 كم ۆەلوسيپەدپەن ءجۇرىپ ءوتۋ كەرەك بولدى. ۇلكەن كوپىرگە ۇمتىلعان ۆەلوسيپەدشىلەر توبىل قالاسىنان ءوتىپ، اۋليەكول تراسساسىنان گاشەك كوشەسى ارقىلى تاۋەلسىزدىكتىڭ 25 جىلدىعى ساياباعىنىڭ قاقپاسىنا جەتتى.

مۇندا دەپۋتاتتار كوپ بالالى جانە از قامتىلعان وتباسىلاردان شىققان بالالارعا تاماشا سىيلىقتار - بالالار ۆەلوسيپەدتەرىن تابىس ەتتى. بالالاردىڭ قۋانىشىندا شەك بولمادى.

قايىرىمدىلىق شاراسىنان كەيىن ساياباقتا 100 قاراعاي وتىرعىزىلدى. بۇل قوستانايدا الدەقاشان داستۇرگە اينالعان.

پىكىرلەر
رەداكتسيا تاڭداۋى