بۇگىن جازۋشى، شەجىرەشى، پروفەسسور ع.مۇسىرەپوۆ اتىنداعى ادەبي سىيلىقتىڭ يەگەرى مومبەك ابدىاكىمۇلىنىڭ ءتول تۋىندىسى «شىمكەنت قالاسىنىڭ تاريحى» اتتى كىتابىنىڭ تۇساۋكەسەرى ءوتتى. ءال-فارابي اتىنداعى قالالىق عىلىمي-امبەباپ كىتاپحاناسىندا تاۋەلسىزدىكتىڭ 30 جىلدىعىنا وراي ۇيىمداستىرىلعان جيىندى قازاقستان رەسپۋبليكاسىنىڭ مادەنيەت قايراتكەرى اسقار ءاليحان جۇرگىزدى. باسقوسۋعا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، تۇركىستان وبلىستىق ارداگەرلەر كەڭەسىنىڭ توراعاسى ج.ماۋلەنقۇلوۆ، جازۋشى مارحابات بايعۇت جانە ت.ب. زيالى قاۋىم وكىلدەرى قاتىسىپ، جارىق كورگەن كىتاپ تۋرالى ءوز وي-پىكىرلەرىن ءبولىستى.
كىتاپ - ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلاماسى اياسىندا، تۇرعىندارىنىڭ سانى ميلليونعا جەتىپ، رەسپۋبليكا كولەمىندە ايرىقشا مارتەبەسى بار ءۇشىنشى مەگاپوليس اتانعان شىمكەنت قالاسىنىڭ تەرەڭ تاريحى جايلى جازىلعان. سونداي-اق، 2200 جىلدىق تاريحى بار قالانىڭ تىڭ دەرەكتەرىمەن ەتەنە تانىستىرا وتىرىپ، جاستاردىڭ وتانعا، تاريحقا، كىتاپقا دەگەن قىزىعۋشىلىعىن ارتتىرۋ ماقساتىندا جارىق كوردى.
كىتاپتى تانىستىرۋ بارىسىندا اۆتور: «بۇل جاڭا تۋىندىدا شىمكەنتتىڭ الىمساق زاماننان كۇنى بۇگىنگە دەيىنگى تاريحىنا تۇتاستاي شولۋ جاسالا كەلە وتكەن عاسىرلاردا شاھاردا ىسكە اسقان بارلىق قاداۋ-قاداۋ تاريحي وقيعالار حاقىندا مولىنان باياندالعان. سونىمەن قاتار، ونىڭ بەرگى كەزەڭدەردەگى ءوسىپ-وركەندەۋى مەن دامۋ جولى تۋرالى تولىق ماعلۇماتتىڭ كوڭىلى وياۋ جاستارعا، عالىمدارعا، جالپى وقىرمانعا بەرەرى مول»، — دەدى مومبەك ابدىاكىمۇلى.
شىمكەنت قالاسى اكىمدىگىنىڭ ءباسپاسوز قىزمەتى
