بۇگىن جەتىنشى شاقىرىلىمداعى شىمكەنت قالاسى ءماسليحاتىنىڭ كەزەكتى التىنشى سەسسياسى ءوتتى. سەسسيانىڭ كۇن تارتىبىندە قالانىڭ 2020 جىلعى بيۋدجەتىنىڭ اتقارىلۋى تۋرالى، حالىقتىڭ الەۋمەتتىك وسال توپتارىن قولداۋ جانە وڭالتۋ شارالارى، جولاۋشىلار كولىگى جانە اۆتوموبيل جولدارى باسقارماسىنىڭ، قالا تۇرعىندارىن باسپانامەن قامتۋ شارالارىنىڭ ەسەبى تىڭدالدى. اتالعان ماسەلەلەردىڭ ءبارى دە تۇراقتى كوميسسيالاردا ەگجەي-تەگجەيلى قارالعان.
سەسسيادا شىمكەنت قالاسىنىڭ اكىمى مۇرات ايتەنوۆ جەرگىلىكتى اتقارۋشى ورگاننىڭ جۇمىسىنا سەرپىن بەرەتىن بىرقاتار شەشىمدەر قابىلدانعانىن، قالانىڭ ءارى قاراي دامۋ ساياساتىن جۇزەگە اسىرۋعا ىقپال ەتەتىن ماڭىزدى ماسەلەلەردى اتادى.
– بيۋدجەتتى ناقتىلاۋ بارىسىندا قارجى نەگىزىنەن قالانىڭ الەۋمەتتىك-ەكونوميكالىق دامۋىنا وڭ اسەر ەتەتىن، تۇرعىنداردى تولعاندىراتىن ماسەلەلەرىن شەشۋگە باعىتتالدى. ونىڭ ىشىندە «نۇر وتان» پارتياسىنىڭ سايلاۋالدى باعدارلاماسىنا سايكەس، قالانىڭ ينجەنەرلىك-ينفراقۇرىلىمدىق جۇيەسىن دامىتۋعا باسىمدىق بەرىلۋدە. سونىمەن قاتار، كوپقاباتتى تۇرعىن ءۇي، اۋلالاردى اباتتاندىرۋ، بۇقارالىق سپورتتى دامىتۋ ماقساتىندا شاعىناۋدانداردا امبەباپ سپورت الاڭدارىن ورناتۋ جوسپارلاندى. ايتا كەتسەك، 101 سپورت الاڭشاسى سالىنادى. بۇل – ۇلكەن جەتىستىك. بۇل جۇمىستار جەكەمەنشىك ينۆەستورلار ەسەبىنەن اتقارىلۋدا. وسى جۇمىستاردىڭ ناتيجەسىندە ءاربىر شاعىناۋداندا سپورت الاڭشالارى بولادى. بيىل «شىمكەنت جاستار» ليگاسىن وتكىزدىك. بۇل جوباعا بالالاردىڭ قىزىعۋشىلىعى ارتىپ وتىر. 8 مىڭداي بالا وسى جارىسقا قاتىستى. باستى جەتىستىك – بالالاردىڭ قىزىعۋشىلىعىن ارتتىردىق، – دەدى قالا اكىمى.
سونىمەن بىرگە، سەسسيادا قر مەملەكەتتىك جوسپارلاۋ جۇيەسىنە سايكەس، شىمكەنت قالاسىنىڭ 2021-2025 جىلدارعا ارنالعان دامۋ باعدارلاماسى بەكىتىلدى.
قالا اكىمى بيىل جىل باسىنان بەرى قالانىڭ نەگىزگى كورسەتكىشتەرىندە وڭ ءوسىم بارىن ايتىپ، جۇمىستاردى ودان ءارى كۇشەيتۋ قاجەتتىگىن اتاپ ءوتتى.
شىمكەنت قالاسى اكىمدىگىنىڭ ءباسپاسوز قىزمەتى
