شىمكەنتتىڭ ستراتەگيالىق دامۋى بويىنشا 5 ايدا اتقارىلعان جۇمىستار قورتىندىلاندى

4274
Adyrna.kz Telegram

شىمكەنت قالاسى اكىمىنىڭ ورىنباسارى ماقسۇت يساحوۆ قالانىڭ ستراتەگيالىق دامۋى اياسىندا اتقارىلعان جۇمىستار بويىنشا ءباسپاسوز بريفينگىن وتكىزدى.

ماقسۇت پەرنەبايۇلى جولاۋشىلار كولىگى جانە اۆتوموبيل جولدارى، قالالىق ورتا ساپاسى جانە باقىلاۋ، دەنە شىنىقتىرۋ جانە سپورت، ەڭبەك ينسپەكتسياسى، تۋريزم جانە سىرتقى بايلانىستار جانە تسيفرلاندىرۋ باسقارمالارىنىڭ بەس ايداعى نەگىزگى جۇمىستارىن قورىتىندىلادى.

بريفينگتە قالا اكىمىنىڭ ورىنباسارى الدىمەن جول-كولىك سالاسىنا توقتالىپ ءوتتى. ونىڭ مالىمدەۋىنشە، قالا بويىنشا 79 مارشرۋتتىڭ 57-ءى نەمەسە 73%-ى كەشەندى سحەماعا سايكەس كەلەدى.
«تولەم» ەلەكتروندىق بيلەتتەندىرۋ جۇيەسى ىسكە قوسىلعاننان بۇگىنگە دەيىن 26,8 ملن. ترانزاكتسيا جاسالىپ، 22,7 ملن تەڭگەگە، ياعني 80%-دان استام كارتامەن تولەم جاسالعان. شاھاردا جولاۋشىلارعا قولايلى جاعداي جاساۋ ءۇشىن اۆتوبۋستاردى ونلاين رەجيمدە كورۋگە مۇمكىندىك بەرەتىن «I-kolik» موبيلدىك قوسىمشاسى پايدالانۋعا بەرىلدى.

شىمكەنت قالاسىندا اۆتوموبيل جولدارىنىڭ جالپى ۇزىندىعى – 3 247,6 شاقىرىم. بيىل قالادا 168 نىسانعا – 295,3 شاقىرىم جولعا قۇرىلىس-جوندەۋ جۇمىستارى جۇرگىزىلىپ، جىل سوڭىنا دەيىن 155 نىسان – 248,8 شاقىرىم پايدالانۋعا بەرىلەدى.
– ىشكى ورام جانە شالعايداعى ەلدىمەكەندەردەگى كوشەلەرگە زەردەلەۋ ناتيجەسى كورسەتكەندەي، توپىراق جابىندىسى بار 172 شاقىرىم كوشە انىقتالدى. بيىل 153 شاقىرىم توپىراق كوشەلەرگە تاس توسەلەدى. قازىرگى تاڭدا 40 % جۇمىستار اتقارىلدى. ەڭ ۇلكەن قۇرىلىس نىساندارىنىڭ قاتارىندا – رىسقۇلوۆ-قوناەۆ كوشەلەرىنىڭ قيىلىسىنداعى جولايرىق، قوناەۆ داڭعىلىنىڭ جالعاسى، ا-2 اۆتوماگيسترالىنىڭ 1,2,4-كەزەڭدەرى بار. سونداي-اق، كۇردەلى جوندەۋ جۇمىستارى بيىل 65 كوشەدە (49,0 شاقىرىم) جۇرگىزىلۋدە. بۇل جۇمىستاردى بيىل تولىعىمەن اياقتاپ، قىركۇيەك ايىندا پايدالانۋعا تاپسىرامىز، – دەدى قالا اكىمىنىڭ ورىنباسارى.

ماقسۇت يساحوۆ ورتاشا جوندەۋ جۇمىستارىنىڭ بارىسىن اتاپ ءوتتى. بيىل 146 نىساندا (173,3 شاقىرىم) ورتاشا جوندەۋ جۇمىستارى اتقارىلۋدا. جىل قورىتىندىسى بويىنشا بۇل جۇمىستار تولىعىمەن اياقتالادى. اتاپ ايتقاندا، 7 ماگيسترالدى كوشە، 69 ىشكى ورام كوشە، شالعاي ەلدىمەكەندەردەگى 62 كوشە، 8 وڭ جاق وتكەلدەر نىسانى. جولداردىڭ 50 %-عا جۋىعى شالعاي ەلدىمەكەندەردە ورنالاسقان. جۇمىستاردى قازان ايىنا دەيىن تولىعىمەن اياقتاۋ جوسپارلانۋدا.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر