Shymkent qalasy ákiminiń orynbasary Maqsut Isahov qalanyń strategııalyq damýy aıasynda atqarylǵan jumystar boıynsha baspasóz brıfıngin ótkizdi.
Maqsut Pernebaıuly jolaýshylar kóligi jáne avtomobıl joldary, qalalyq orta sapasy jáne baqylaý, dene shynyqtyrý jáne sport, eńbek ınspekııasy, týrızm jáne syrtqy baılanystar jáne ıfrlandyrý basqarmalarynyń bes aıdaǵy negizgi jumystaryn qorytyndylady.
Brıfıngte qala ákiminiń orynbasary aldymen jol-kólik salasyna toqtalyp ótti. Onyń málimdeýinshe, qala boıynsha 79 marshrýttyń 57-i nemese 73%-y keshendi shemaǵa sáıkes keledi.
«Tólem» elektrondyq bılettendirý júıesi iske qosylǵannan búginge deıin 26,8 mln. tranzakııa jasalyp, 22,7 mln teńgege, ıaǵnı 80%-dan astam kartamen tólem jasalǵan. Shaharda jolaýshylarǵa qolaıly jaǵdaı jasaý úshin avtobýstardy onlaın rejımde kórýge múmkindik beretin «I-kolik» mobıldik qosymshasy paıdalanýǵa berildi.
Shymkent qalasynda avtomobıl joldarynyń jalpy uzyndyǵy – 3 247,6 shaqyrym. Bıyl qalada 168 nysanǵa – 295,3 shaqyrym jolǵa qurylys-jóndeý jumystary júrgizilip, jyl sońyna deıin 155 nysan – 248,8 shaqyrym paıdalanýǵa beriledi.
– Ishki oram jáne shalǵaıdaǵy eldimekenderdegi kóshelerge zerdeleý nátıjesi kórsetkendeı, topyraq jabyndysy bar 172 shaqyrym kóshe anyqtaldy. Bıyl 153 shaqyrym topyraq kóshelerge tas tóseledi. Qazirgi tańda 40 % jumystar atqaryldy. Eń úlken qurylys nysandarynyń qatarynda – Rysqulov-Qonaev kósheleriniń qıylysyndaǵy jolaıryq, Qonaev dańǵylynyń jalǵasy, A-2 avtomagıstralynyń 1,2,4-kezeńderi bar. Sondaı-aq, kúrdeli jóndeý jumystary bıyl 65 kóshede (49,0 shaqyrym) júrgizilýde. Bul jumystardy bıyl tolyǵymen aıaqtap, qyrkúıek aıynda paıdalanýǵa tapsyramyz, – dedi qala ákiminiń orynbasary.
Maqsut Isahov ortasha jóndeý jumystarynyń barysyn atap ótti. Bıyl 146 nysanda (173,3 shaqyrym) ortasha jóndeý jumystary atqarylýda. Jyl qorytyndysy boıynsha bul jumystar tolyǵymen aıaqtalady. Atap aıtqanda, 7 magıstraldy kóshe, 69 ishki oram kóshe, shalǵaı eldimekenderdegi 62 kóshe, 8 oń jaq ótkelder nysany. Joldardyń 50 %-ǵa jýyǵy shalǵaı eldimekenderde ornalasqan. Jumystardy qazan aıyna deıin tolyǵymen aıaqtaý josparlanýda.
Shymkent qalasy ákimdiginiń baspasóz qyzmeti
