شىمكەنت تۋريستەر قابىلداۋدا رەسپۋبليكالىق كورسەتكىشتە 5 ورىندا

4302
Adyrna.kz Telegram

شىمكەنت قالاسىنىڭ تۋريزم سالاسىن دا مىتۋ باعىتىندا بىرقاتار جوبالار جۇزەگە اسىرىلۋدا.

رەسپۋبليكالىق كورسەتكىشكە سايكەس، قالاعا كەلگەن تۋريستەر سانى بويىنشا شىمكەنت قالاسى 5 ورىندا. ونىڭ ىشىندە رەزيدەنتتەر (قر ازاماتتارى) بويىنشا دا 5 ورىن بولسا، رەزيدەنت ەمەستەر (شەت ەل ازاماتتارى) بويىنشا دا 5 ورىنعا جايعاسقان.

شىمكەنت قالاسى اكىمىنىڭ ورىنباسارى ماقسۇت يساحوۆتىڭ ايتۋىنشا، بيىل بەس ايدا قالاعا كەلۋشى تۋريستەردىڭ سانى – 71 156 ادامعا جەتىپ، 2020 جىلدىڭ سايكەس كەزەڭىمەن سالىستىرعاندا (47 741 ادام) 149,1%-عا ۇلعايعان. ىشكى تۋريزم بويىنشا كەلۋشىلەر سانى – 69 733 ادام، كىرۋ ءتۋريزمى بويىنشا كەلۋشىلەر سانى – 1 423 ادام.
ستاتيستيكالىق دەرەكتەر بويىنشا 3 ايدا ورنالاستىرۋ ورىندارىندا 99 756 توسەك-تاۋلىك ۇسىنىلىپ، توسەك-ورىن ء(بىر جولعى سىيىمدىلىق) سانى – 4 889 بىرلىكتى قۇراپ، 111,5%-عا ارتىپ وتىر.

سونداي-اق، بيىل تۋريستەر ءۇشىن «Shymkent Tourism Center» تۋريستىك-اقپاراتتىق ورتالىعى» كمم-ءى قۇرىلىپ، Visit-shymkent.kz پورتالى جۇمىس ىستەۋدە.
ال كولىككە قولجەتىمدىلىكتى قامتاماسىز ەتۋ ماقساتىندا 2020 جىلى شىمكەنت باعىتىندا «FlyArystan» اۋەكومپانياسى تاراپىنان 7 رەيس اشىلسا (نۇر-سۇلتان، الماتى، اقتاۋ، اتىراۋ، قاراعاندى، قوستاناي، پاۆلودار), بيىل قوسىمشا 3 رەيس ىسكە قوسىلدى (اقتوبە، ورال جانە سەمەي).

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر