Shymkent qalasynyń týrızm salasyn da mytý baǵytynda birqatar jobalar júzege asyrylýda.
Respýblıkalyq kórsetkishke sáıkes, qalaǵa kelgen týrıster sany boıynsha Shymkent qalasy 5 orynda. Onyń ishinde rezıdentter (QR azamattary) boıynsha da 5 oryn bolsa, rezıdent emester (shet el azamattary) boıynsha da 5 orynǵa jaıǵasqan.
Shymkent qalasy ákiminiń orynbasary Maqsut Isahovtyń aıtýynsha, bıyl bes aıda qalaǵa kelýshi týrısterdiń sany – 71 156 adamǵa jetip, 2020 jyldyń sáıkes kezeńimen salystyrǵanda (47 741 adam) 149,1%-ǵa ulǵaıǵan. Ishki týrızm boıynsha kelýshiler sany – 69 733 adam, kirý týrızmi boıynsha kelýshiler sany – 1 423 adam.
Statıstıkalyq derekter boıynsha 3 aıda ornalastyrý oryndarynda 99 756 tósek-táýlik usynylyp, tósek-oryn (bir jolǵy syıymdylyq) sany – 4 889 birlikti qurap, 111,5%-ǵa artyp otyr.
Sondaı-aq, bıyl týrıster úshin «Shymkent Tourism Center» týrıstik-aqparattyq ortalyǵy» KMM-i qurylyp, Visit-shymkent.kz portaly jumys isteýde.
Al kólikke qoljetimdilikti qamtamasyz etý maqsatynda 2020 jyly Shymkent baǵytynda «FlyArystan» áýekompanııasy tarapynan 7 reıs ashylsa (Nur-Sultan, Almaty, Aqtaý, Atyraý, Qaraǵandy, Qostanaı, Pavlodar), bıyl qosymsha 3 reıs iske qosyldy (Aqtóbe, Oral jáne Semeı).
Shymkent qalasy ákimdiginiń baspasóz qyzmeti
