شىمكەنت قالاسىنىڭ اكىمى مۇرات ايتەنوۆ 1 ماۋسىم – حالىقارالىق بالالاردى قورعاۋ كۇنى مەرەكەسىنە وراي دەندروساياباق الاڭىندا حالىقارالىق، رەسۋبليكالىق وليمپيادالار مەن عىلىمي، سپورت، ونەر جارىستارىنىڭ جەڭىمپازدارىمەن كەزدەستى. ونىڭ ىشىندە 18 وقۋشى جالپى ءبىلىم بەرەتىن پاندەر بويىنشا رەسپۋبليكالىق وليمپيادا جۇلدەگەرى، 33 وقۋشى جالپى ءبىلىم بەرەتىن پاندەر بويىنشا حالىقارالىق جانە رەسپۋبليكالىق عىلىمي جوبالاردىڭ جەڭىمپازدارى. اشىق اسپان استىنداعى جيىندا قالا اكىمى قۇتتىقتاۋ ءسوز سويلەپ، بالالارمەن ەركىن فورماتتا سۇقباتتاستى.
شىمكەنتتە تاۋەلسىزدىك جىلدارىنا دەيىن 51 بالاباقشا، 68 ورتا مەكتەپ بار بولعان بولسا، قازىر بالاباقشا – 526, مەكتەپ سانى 186-عا جەتتى. وتىز جىلدا 68 مىڭنان استام ورىندىق 98 زاماناۋي ۇلگىدەگى ءبىلىم وشاعى سالىنىپ، 85%-نا كۇردەلى جوندەۋ جۇمىستارى جۇرگىزىلىپ ءۇش اۋىسىمدى، اپاتتى مەكتەپتەردىڭ وزەكتى ماسەلەلەرى وڭ شەشىمىن تابۋدا. سونىمەن بىرگە، وسى جىلدارى دارىندى بالالارعا ارنالعان ءۇش تىلدە وقىتاتىن مەكتەپتەر، نازارباەۆ زياتكەرلىك مەكتەپتەر جەلىسى قۇرىلدى.
قالا اكىمى جاس ورەندەرگە ارتىلار سەنىمنىڭ زور ەكەندىگىن ايتا ءوتىپ، ءوزىنىڭ بالالىق ەستەلىكتەرىمەن ءبولىستى.
«بىزدەر وزدەرىڭە ساپالى ءبىلىم، سانالى تاربيە بەرۋ ءۇشىن بارلىق جاعدايدى جاساپ كەلەمىز. قالادا جىل سايىن بالا سانى ارتۋىمەن، سالىنىپ جاتقان مەكتەپتەردىڭ ۇلەسىن دە كوبەيتتىك. ەلىمىزدەگى كەز كەلگەن ءسابي مەملەكەت قورعاۋىندا. ءبىلىمدى، ونەرلى ادام قاشان دا ءوز جولىن اداسپاي تابادى. جازعى دەمالىستارىڭ قىزىقتى ءوتسىن» - دەپ تىلەك ءبىلدىردى.
شىمكەنت قالاسى اكىمدىگىنىڭ ءباسپاسوز قىزمەتى
