Shymkent qalasynyń ákimi Murat Áıtenov 1 maýsym – Halyqaralyq balalardy qorǵaý kúni merekesine oraı dendrosaıabaq alańynda halyqaralyq, resýblıkalyq olımpıadalar men ǵylymı, sport, óner jarystarynyń jeńimpazdarymen kezdesti. Onyń ishinde 18 oqýshy jalpy bilim beretin pánder boıynsha respýblıkalyq olımpıada júldegeri, 33 oqýshy jalpy bilim beretin pánder boıynsha halyqaralyq jáne respýblıkalyq ǵylymı jobalardyń jeńimpazdary. Ashyq aspan astyndaǵy jıynda qala ákimi quttyqtaý sóz sóılep, balalarmen erkin formatta suqbattasty.
Shymkentte táýelsizdik jyldaryna deıin 51 balabaqsha, 68 orta mektep bar bolǵan bolsa, qazir balabaqsha – 526, mektep sany 186-ǵa jetti. Otyz jylda 68 myńnan astam oryndyq 98 zamanaýı úlgidegi bilim oshaǵy salynyp, 85%-na kúrdeli jóndeý jumystary júrgizilip úsh aýysymdy, apatty mektepterdiń ózekti máseleleri oń sheshimin tabýda. Sonymen birge, osy jyldary daryndy balalarǵa arnalǵan úsh tilde oqytatyn mektepter, Nazarbaev Zııatkerlik mektepter jelisi quryldy.
Qala ákimi jas órenderge artylar senimniń zor ekendigin aıta ótip, óziniń balalyq estelikterimen bólisti.
«Bizder ózderińe sapaly bilim, sanaly tárbıe berý úshin barlyq jaǵdaıdy jasap kelemiz. Qalada jyl saıyn bala sany artýymen, salynyp jatqan mektepterdiń úlesin de kóbeıttik. Elimizdegi kez kelgen sábı memleket qorǵaýynda. Bilimdi, ónerli adam qashan da óz jolyn adaspaı tabady. Jazǵy demalystaryń qyzyqty ótsin» - dep tilek bildirdi.
Shymkent qalasy ákimdiginiń baspasóz qyzmeti
