شىمكەنت قالاسىنىڭ اكىمى مۇرات ايتەنوۆ قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعانۇلىمەن كەزدەستى.
شاhار باسشىسى كەزدەسۋ بارىسىندا قالا اۋماعىنداعى ءدىني احۋال ماسەلەلەرى، قايىرىمدىلىق باعىتىنداعى جۇمىستار، مەشىتتەر توڭىرەگىندە سۇقباتتاستى.
بيىل قالا اكىمىنىڭ تىكەلەي قولداۋىمەن 75 مىڭ وتباسىعا قايىرىمدىلىق كومەك كورسەتىلدى جانە قمدب شىمكەنت قالاسى بويىنشا وكىلدىگىنىڭ قولداۋىمەن «رامازان قايىرىمدىلىق ايى» ءىس-شاراسى ءوتتى.
جالپى جەرگىلىكتى مەشىتتەر مەن اكىمدىك اراسىندا كوپتەگەن تاعىلىمى مول جۇمىستار اتقارىلۋدا.
قالا اكىمى قمدب-نىڭ باستامالارىنا، بىرلەسە اتقارىلاتىن ءىس-شارالارعا ءاردايىم قولداۋ كورسەتۋگە دايىن ەكەنىن جەتكىزدى.
ايتا كەتسەك، شىمكەنت قالاسىندا 89 مەشىت قمدب-نا فيليال بولىپ تىركەلگەن. «شىمكەنت» مەدرەسە-كوللەدجىندە ەرلەر مەن قىزدار ءبولىمى قاتار جۇمىس ىستەيدى.
جانە قمدب-عا قاراستى ءبىر «ىقىلاس» قاريلار دايىنداۋ ورتالىعىندا 70 شاكىرت، «Halifa Al-Nahaian Aqmeshiti» جەكە قايىرىمدىلىق مەكەمەسىندە 40 شاكىرت ونلاين ءتالىم الۋدا.
شىمكەنت قالاسى اكىمدىگىنىڭ ءباسپاسوز قىزمەتى
