Qala ákimi QMDB tóraǵasy, Bas Múftımen kezdesti

3946
Adyrna.kz Telegram

Shymkent qalasynyń ákimi Murat Áıtenov Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulymen kezdesti.

Shahar basshysy kezdesý barysynda qala aýmaǵyndaǵy dinı ahýal máseleleri, qaıyrymdylyq baǵytyndaǵy jumystar, meshitter tóńireginde suqbattasty.

Bıyl qala ákiminiń tikeleı qoldaýymen 75 myń otbasyǵa qaıyrymdylyq kómek kórsetildi jáne QMDB Shymkent qalasy boıynsha ókildiginiń qoldaýymen «Ramazan qaıyrymdylyq aıy» is-sharasy ótti.

Jalpy jergilikti meshitter men ákimdik arasynda kóptegen taǵylymy mol jumystar atqarylýda.
Qala ákimi QMDB-nyń bastamalaryna, birlese atqarylatyn is-sharalarǵa árdaıym qoldaý kórsetýge daıyn ekenin jetkizdi.

Aıta ketsek, Shymkent qalasynda 89 meshit QMDB-na fılıal bolyp tirkelgen. «Shymkent» medrese-kolledjinde erler men qyzdar bólimi qatar jumys isteıdi.
Jáne QMDB-ǵa qarasty bir «Yqylas» qarılar daıyndaý ortalyǵynda 70 shákirt, «Halifa Al-Nahaian Aqmeshiti» jeke qaıyrymdylyq mekemesinde 40 shákirt onlaın tálim alýda.

Shymkent qalasy ákimdiginiń baspasóz qyzmeti

Pikirler