زاعيپ جىگىت ەۆەرەستى باعىندىردى

2240
Adyrna.kz Telegram

قىتايلىق الپينيست چجان حۋن ەۆەرەستى باعىندىرعان ازياداعى ءبىرىنشى جانە الەمدەگى ءۇشىنشى زاعيپ ادام بولدى دەپ حابارلايدى "ادىرنا" ۇلتتىق پورتالى "Reuters" باسىلىمىنا سىلتەمە جاساپ.

الەمدەگى ەڭ بيىك شىڭعا ول 24 مامىردا ءۇش گيدتىڭ سۇيەمەلدەۋىمەن كوتەرىلدى. ال 3 ماۋسىمدا ولار كاتماندۋداعى الپىلىك لاگەرگە ورالدى.

46 جاستاعى ءالپينيستىڭ ايتۋىنشا، ونى 2001 جىلى 8849 مەترلىك تاۋدى باعىندىرعان العاشقى زاعيپ الپينيست، امەريكالىق ەريك ۆايحەنمايەردىڭ شىڭعا شىعۋى شابىتتاندىرعان. حۋن بۇل جورىق ءۇشىن بەس جىل دايىندالىپتى.

"مەنىڭ ويىمشا، بۇكىل الەمدە جانە ازيادا كورۋ قابىلەتى ناشار ادامدار كوپ جانە مەنىڭ جاساعان ءىسىم ولار ءۇشىن شابىت بەرەدى دەگەن ۇمىتتەنەمىن", - دەدى حۋن.

قىتاي ازاماتىنىڭ ەندىگى جوسپارى - جەتى قۇرلىقتاعى ەڭ بيىك تاۋلاردى باعىندىرۋ، سونىمەن قاتار وڭتۇستىك جانە سولتۇستىك جارتىشارعا بارۋ.

ء"سىز مۇگەدەكسىز بە، جوق پا، كورۋ قابىلەتىڭىز جوعالدى ما، اياعىڭىز بەن قولىڭىز جوق پا ماڭىزدى ەمەس. بۇل ماڭىزدى ەمەس. ەگەر اقىل-ويىڭىز كۇشتى بولسا، ءسىز ارقاشان باسقا ادامدار سىزگە ايتا المايتىن نارسەنى جاساي الاسىز", - دەدى ول.

"ادىرنا" ۇلتتىق پورتالى.

پىكىرلەر