قازاقستاندىق تانىمال الپينيست انار بۋراشەۆا الەمنىڭ بارلىق قۇرلىعىنداعى ەڭ بيىك جەتى شىڭدى باعىندىرىپ، «جەتى شىڭ» (Seven Summits) باعدارلاماسىن اياقتاعان العاشقى ايەل اتاندى، دەپ حابارلايدى "ادىرنا".
"ەكى جىلعا سوزىلعان تاريح. «7 شىڭ» جوباسى. قازاقستان مەن ورتالىق ازيادان شىققان العاشقى ايەل. قازىر بارلىق سەزىمدى سوزبەن جەتكىزۋ قيىن – ولار تىم كوپ. بىراق ءدال قازىر ەڭ ماڭىزدىسىن ايتا الامىن: "ەverest development" كومپانياسىنىڭ قولداۋىنسىز بۇل ارمان شىندىققا اينالماس ەدى.
وتباسىما جانە دوستارىما العىسىم شەكسىز، سەندەر – مەنىڭ تىرەگىمسىڭدەر", - دەپ جازدى الپينيست الەۋمەتتىك جەلىدەگى پاراقشاسىندا.
ايتا كەتسەك، بۋراشەۆا ەكى جىل ىشىندە ەۆەرەست (8818 م), اكونكاگۋا (6962 م), دەنالي (6194 م), كيليماندجارو (5895 م), ەلبرۋس (5642 م), ۆينسون (4897 م) جانە كارستەنز پيراميداسى (4884 م) شىڭدارىن باعىندىردى.
