Qytaılyq alpınıst Chjan Hýn Everesti baǵyndyrǵan Azııadaǵy birinshi jáne álemdegi úshinshi zaǵıp adam boldy dep habarlaıdy "Adyrna" ulttyq portaly "Reuters" basylymyna silteme jasap.
Álemdegi eń bıik shyńǵa ol 24 mamyrda úsh gıdtiń súıemeldeýimen kóterildi. Al 3 maýsymda olar Katmandýdaǵy alpilik lagerge oraldy.
46 jastaǵy alpınıstiń aıtýynsha, ony 2001 jyly 8849 metrlik taýdy baǵyndyrǵan alǵashqy zaǵıp alpınıst, amerıkalyq Erık Vaıhenmaıerdiń shyńǵa shyǵýy shabyttandyrǵan. Hýn bul joryq úshin bes jyl daıyndalypty.
"Meniń oıymsha, búkil álemde jáne Azııada kórý qabileti nashar adamdar kóp jáne meniń jasaǵan isim olar úshin shabyt beredi degen úmittenemin", - dedi Hýn.
Qytaı azamatynyń endigi jospary - jeti qurlyqtaǵy eń bıik taýlardy baǵyndyrý, sonymen qatar ońtústik jáne soltústik jartysharǵa barý.
"Siz múgedeksiz be, joq pa, kórý qabiletińiz joǵaldy ma, aıaǵyńyz ben qolyńyz joq pa mańyzdy emes. Bul mańyzdy emes. Eger aqyl-oıyńyz kúshti bolsa, siz árqashan basqa adamdar sizge aıta almaıtyn nárseni jasaı alasyz", - dedi ol.
"Adyrna" ulttyq portaly.
