ەۆەرەستى باعىندىرعان تۇڭعىش قازاق قىزى انار بۋراشەۆا بيىكتىگى 8201 م قۇرايتىن چو-ويۋ شىڭىنا شىقتى، دەپ حابارلايدى «ادىرنا» ءتىلشىسى.
چو-ويۋ تاۋى الەمدەگى ەڭ بيىك تاۋلاردىڭ قاتارىندا التىنشى ورىندى يەلەنەدى. ول ەۆەرەست جانە پحوزە تاۋلارىنا جاقىن شىعىس نەپالدىڭ كحۋمبۋ اۋماعىنداعى تيبەت شەكاراسىندا ورنالاسقان. شىڭ اتاۋى سوزبە-ءسوز اۋدارعاندا «كوگىلدىر ايەل قۇدايى» دەگەن ماعىنانى بىلدىرەدى. جەرگىلىكتى تۇرعىندار ونى وتە قاسيەتتى دەپ سانايدى.
ەسكە سالايىق، 22 قىركۇيەكتە قازاقستاندىق الپينيست ماناسلۋ شىڭىن (8163 م) باعىندىرعان ەدى. بۇعان دەيىن انار بۋراشەۆا الەمدەگى بارلىق 14 سەگىزمىڭدىقتى باعىندىرۋدى ماقسات ەتىپ وتىرعانىن جەتكىزگەن. بۇل مەجەنى ازىرگە الەمدە 10-عا جۋىق ايەل عانا ورىنداعان.
«مەنىڭ ارمانىم — قازاق قىزدارىن باتىل ماقساتتارعا ۇمتىلۋعا شابىتتاندىرۋ»، — دەيدى انار.
