قازاقستان پرەزيدەنتى قاسىم-جومارت توقاەۆ قازاقستاندىق الپينيست ەرۆاند يلينسكيگە «قازاقستاننىڭ ەڭبەك ەرى» اتاعىن بەردى، دەپ حابارلايدى "ادىرنا" ۇلتتىق پورتالى.
اقوردا ءباسپاسوز قىزمەتىنىڭ حابارلاۋىنشا، بۇل شەشىم الپينيزم سالاسىنداعى ايرىقشا جەتىستىكتەرى، سپورتتى دامىتۋعا قوسقان زور ۇلەسى جانە قوعامدىق ومىرگە بەلسەندى قاتىسى ءۇشىن قابىلدانعان.
ەرۆاند يلينسكي 1940 جىلى 25 تامىزدا ۆورونەجدە دۇنيەگە كەلگەن. ول سوۆەت جانە قازاقستان الپينيزم مەكتەبىنىڭ كورنەكتى وكىلى، قازاقستان ۇلتتىق الپينيزم كومانداسىنىڭ شامامەن 40 جىل بويى باس باپكەرى بولعان. ونىڭ كومانداسى الەمدەگى بارلىق 14 سەگىز مىڭدىق شىڭداردى باعىندىرعان العاشقى توپ بولىپ سانالادى (1991–2010). يلينسكي ەۆەرەست شىڭىن باعىندىرعان (1990) جانە قازاقستانداعى «جەتى شىڭ» كلۋبىنىڭ العاشقى مۇشەسى (2007). ول سسسر چەمپيوناتتارىنىڭ بىرنەشە دۇركىن جەڭىمپازى جانە جۇلدەگەرى.
