2025 جىلدىڭ جازىندا رەسەيلىك الپينيست اليسا ۆەدەرنيكوۆا قىرعىزستانداعى لەنين شىڭىنىڭ ماڭىنان ەسكى فوتواپپارات تاپتى، دەپ حابارلايدى "ادىرنا" ۇلتتىق پورتالى Centralmedia24-كە سىلتەپ.
قۇرىلعى زاقىمدانعانىمەن، جادى كارتاسى ساقتالعان. ال ونىڭ ىشىندە 2008 جىلدىڭ 22 ساۋىرىندە تۇسىرىلگەن سۋرەتتەر مەن ۆيدەولار تۇسىرىلگەن.
اليسا ەسىمدى الپينيست Threads الەۋمەتتىك جەلىسىندە جازبا جاريالاپ، كامەرا يەسىن تابۋعا كومەك سۇرادى. ول سوڭعى ۆيدەودا شاتىردى قاتتى جەل شايقاپ جاتقانىن كورسەتەتىن كادرلار بولعانىن اتاپ وتكەن.
كەيىننەن بۇل پوستتى قازاقستاندىق ازامات تانىسىنا جولداپ، Instagram ارقىلى اپپاراتتىڭ يەسىن تاپقان.
فوتواپپاراتتى جوعالتقان ايگىلى يراندىق الپينيست پاراستۋ ابيشامي بولىپ شىقتى. ول ۆەدەرنيكوۆانىڭ جازباسىنا پىكىر قالدىرىپ، قۇرىلعىنى 17 جىل بۇرىن لەنين شىڭىنا كوتەرىلگەن كەزدە جوعالتقانىن راستادى.
