قىزىلوردادا قويلار قىرىلىپ جاتىر

858

قىزىلوردا وبلىسىنىڭ ارال اۋدانىندا قويلار قىرىلىپ جاتىر، دەپ حابارلايدى «ادىرنا» ۇلتتىق پورتالى.

وبلىستىڭ سەگىز اۋدانىندا مال ءولىمى بايقالىپتى. ولار: مەرگەنساي، قۇلاندى، بەلاران، امانوتكەل، رايىم، بەكباۋىل جانە قامىستىباس سياقتى اۋداندار. بۇل تۋرالى وڭىرلىك كوممۋنيكاتسيالار قىزمەتى حابارلادى.

ءىرى قارا مالدىڭ قىرىلۋىنىڭ سەبەپتەرى: سىردارياداعى سۋدىڭ جەتىسپەۋشىلىگى، ارال ماڭىنداعى اۋا رايىنىڭ اۋىتقۋى سالدارىنان جەرگىلىكتى كولدەردىڭ قۇرعاپ قالۋى، جەمشوپتىڭ جەتىسپەۋشىلىگى جانە جۇقپالى اۋرۋلار.

«قىسقى-كوكتەمگى كەزەڭدە قار مەن جاۋىن-شاشىننىڭ از مولشەردە تۇسۋىنە بايلانىستى ارال اۋدانىندا قۇرعاق جاعداي قالىپتاستى. مال مەن جەمنىڭ تەپە-تەڭدىگىن ساقتاۋ ءۇشىن وبلىستىڭ ەكونوميكالىق قۇرىلىمدارى مال باسىن ازايتۋ بويىنشا جۇمىس جۇرگىزۋدە»، – دەدى ارال اۋدانى اكىمىنىڭ ورىنباسارى ەركىن ابىشەۆ.

"ادىرنا" ۇلتتىق پورتالى

پىكىرلەر
رەداكتسيا تاڭداۋى