ۇلتتىق ەكونوميكا مينيسترلىگى ەلىمىزدەگى مونوقالالار تىزبەسىن جاڭارتتى. وسىلايشا، ۇكىمەت پاۆلودار وبلىسىنداعى ەكىباستۇز قالاسىن مونوقالا ساناتىنان شىعارعان، دەپ حابارلايدs "ادىرنا".
مينيسترلىك «قازاقستان رەسپۋبليكاسى مونوقالالارىنىڭ تىزبەسىن بەكىتۋ تۋرالى» قر ۇلتتىق ەكونوميكا ءمينيسترىنىڭ 2023 جىلعى 21 قاراشاداعى №248 بۇيرىعىنا وزگەرىس ەنگىزىپ، 10 ناۋرىزدا قالانى مونوقالالار قاتارىنان رەسمي تۇردە الىپ تاستاعان.
ۇلتتىق ەكونوميكا مينيسترلىگى مونوقالالاردىڭ الەۋمەتتىك-ەكونوميكالىق دامۋىنا ونەركاسىپ ءوندىرىسىنىڭ سەرپىنى، ينۆەستيتسيالىق بەلسەندىلىك، كاسىپكەرلىكتى دامىتۋ، جۇمىسپەن قامتۋ قۇرىلىمى جانە ەكونوميكانىڭ ورنىقتىلىعىنىڭ باسقا دا پارامەترلەرى سەكىلدى 78 نەگىزگى كورسەتكىش بويىنشا كەشەندى تالداۋ جۇرگىزدى.
«تالداۋ ناتيجەسى بويىنشا، ەكىباستۇز قالاسىنىڭ ەكونوميكاسى تۇراقتى تۇردە ءارتاراپتانىپ جاتقانى، دامۋ جەدەلدەگەنى بەلگىلى بولعان. قالانىڭ ەكونوميكاسىنداعى سالالار تەڭەسىپ، ونەركاسىپ تۇراقتى ءوسىپ، ينۆەستيتسيا كوپ سالىنعان»، - دەپ حابارلايدى مينيسترلىك.
وسىلايشا، ەندى قازاقستاندا 19 مونوقالا قالدى. ولار: اباي، اقساي، اقسۋ، التاي، بالقاش، جاڭاوزەن، جىتىقارا، ليساكوۆسك، قاراجال، كەنتاۋ، قۇلسارى، كۋرچاتوۆ، ريددەر، رۋدنىي، ساتباەۆ، ستەپنوگورسك، تەمىرتاۋ، شاحتينسك جانە حرومتاۋ.
