وسكەمەندە شىعىس قازاقستان وبلىسى اكىمىنىڭ ورىنباسارى جاقسىلىق ومارعا قاتىستى سوت پروتسەسى ءوتتى، دەپ حابارلايدى "ادىرنا" ۇلتتىق پورتالى.
ءىس وسكەمەن قالاسىنىڭ قىلمىستىق ىستەر جونىندەگى اۋدانارالىق سوتىندا قارالدى. سوت وتىرىسى اشىق رەجيمدە جانە قىسقارتىلعان تارتىپپەن وتكەن.
سوت شەشىمىمەن ايىپتالۋشى پروتسەسس اياقتالعانعا دەيىن قاماۋدا قالادى. سۋديا بۇلتارتپاۋ شاراسىن وزگەرتۋگە نەگىز جوق دەپ تانىدى.
«سوتتالۋشىعا قاتىستى “كۇزەتپەن ۇستاۋ” بۇلتارتپاۋ شاراسى وزگەرىسسىز قالدىرىلسىن، مەرزىمى سوت ءىستى قاراپ بىتكەنگە دەيىن ۇزارتىلسىن»، – دەلىنگەن قاۋلىدا.
جاقسىلىق ومارعا قىلمىستىق كودەكستىڭ ەكى بابى بويىنشا ايىپ تاعىلعان. اتاپ ايتقاندا، 190-باپتىڭ 3-بولىگى – الاياقتىق (الداۋ نەمەسە سەنىمدى تەرىس پايدالانۋ ارقىلى بوتەننىڭ مۇلكىن جىمقىرۋ), سونداي-اق 366-باپتىڭ 3-بولىگى – ءىرى كولەمدە پارا الۋ دەرەگى بويىنشا كۇدىككە ىلىنگەن.
ەسكە سالايىق، شەنەۋنىك اقپان ايىندا ۇستالعان. تەرگەۋ جۇمىستارىن ۇلتتىق قاۋىپسىزدىك كوميتەتى جانىنداعى سىبايلاس جەمقورلىققا قارسى قىزمەت جۇرگىزگەن
