سايران كولىنە قۇياتىن ۇلكەن الماتى وزەنىنىڭ ارناسىندا جاڭا ينتەراكتيۆ ارت-نىسان بوي كوتەردى، دەپ حابارلايدى "ادىرنا" ۇلتتىق پورتالى.
قالا اكىمدىگىنىڭ مالىمەتىنشە، جوباعا بيۋدجەت قاراجاتى جۇمسالماعان. نىسان «Progression CA» جشس-ءنىڭ قارجىسىنا سالىنعان.
اكىمدىك وكىلدەرىنىڭ ايتۋىنشا، كومپوزيتسيا الەمدە كەڭ رەزونانس تۋدىرعان ءيتتى قۇتقارۋ وقيعاسىنا نەگىزدەلگەن. مۇسىندە ءبىر-بىرىنە قول سوزىپ، تىزبەك قۇرا بىرىكتىرىلگەن ادامدار بەينەلەنگەن. بۇل – ءوزارا كومەك پەن قولداۋدىڭ سيمۆولى.
ۇلكەن الماتى وزەنىندەگى ءيتتى قۇتقارۋ وقيعاسىنان تۇسىرىلگەن ۆيدەو كەزىندە الەمدى شارلاپ كەتكەن بولاتىن.
سونىڭ قۇرمەتىنە تۇرعىزىلعان ارت-نىساندى رەسمي تۇردە اشۋ ناۋرىز ايىنىڭ سوڭىنا جوسپارلانعان.
ۇقساس جاڭالىقتار
