قازاقستان ۇلتتىق بانكى اقشا جىمقىرۋ ماقساتىندا ازاماتتاردىڭ جەكە دەرەكتەرىنە يە بولۋ ءۇشىن بانك قىزمەتكەرى رەتىندە تەلەفون شالاتىن الاياقتاردىڭ كوبەيە باستاعانىن ەسكەرتەتتى، دەپ حابارلايدى «ادىرنا» ءتىلشىسى.
«ۇلتتىق بانك جەكە تۇلعالاردىڭ شوتتارىنا قىزمەت كورسەتپەيدى، اقشالاي ەسەپ ايىرىسۋ مەن مامىلەلەر جاسامايدى. ۇلتتىق بانكتە شوتتاردى تەك قانا ۇلتتىق بانكتىڭ، ەكىنشى دەڭگەيلى بانكتەردىڭ، شەكتەۋلى زاڭدى تۇلعالاردىڭ وپەراتسيالارىن ەسەپكە الۋ ءۇشىن اشىلادى.
وسىعان بايلانىستى قازاقستان ۇلتتىق بانكى اقشا جىبەرىڭىز دەگەن ەلەكتروندى حاتتار مەن بەلگىسىز نومىرلەردەن تۇسكەن قوڭىراۋلارعا جاۋاپ بەرمەۋگە كەڭەس بەرەدى. بەلگىسىز بانك شوتتارىنىڭ رەكۆيزيتتەرى كورسەتىلگەن اياق استى اقشاعا تاپ بولاسىز دەگەن حابارلاما نەمەسە تەلەفون قوڭىراۋى كوبىنەسە الاياقتاردىڭ ارەكەتى ەكەنىن بايقاتادى.
ۇلتتىق بانكتەن «اقشا جونەلتىڭىز» دەگەن سيپاتتا كۇماندى حات كەلسە نەمەسە قوڭىراۋ تۇسسە، قۇقىق قورعاۋ ورگاندارىنا ارىزدانۋ قاجەت»،–دەپ جازدى ءباسپاسوز قىزمەتى.
«ادىرنا» ۇلتتىق پورتالى
