بيىل كوكتەمدە سۋ تاسقىنى قاۋپى بەس وڭىرگە ءتونىپ تۇر. بۇل تۋرالى سەنات كۋلۋارىندا توتەنشە جاعداي ۆيتسە-ءمينيسترى كەگەن تۇرسىنباەۆ مالىمدەدى، دەپ حابارلايدى "ادىرنا".
كەگەن تۇرسىنباەۆتىڭ ايتۋىنشا، تجم مەن جەرگىلىكتى اتقارۋشى ورگاندار تابيعي اپاتتاردىڭ الدىن الۋ ءۇشىن بىرگە جۇمىس ىستەپ جاتىر. «تاسقىن» جۇيەسى بەس وڭىردە سۋ تاسقىنى قاۋپى تۋىنداپ تۇرعانىن كورسەتكەن.
«ولار: سولتۇستىك قازاقستان، قاراعاندى، اباي، اقمولا جانە شىعىس قازاقستان وبلىستارى. جاعدايدى تاۋلىك بويى باقىلاپ وتىرمىز. 1 ناۋرىزدان باستاپ ەلدە جەدەل شتاب جۇمىسىن باستادى. ەلدىمەكەندەرگە تونگەن قاۋىپ جوق، جاعداي باقىلاۋدا»، – دەدى ول.
ۆيتسە-مينيستر ەلدىمەكەندەردى سۋ باسىپ قالماس ءۇشىن بارلىق ءتيىستى شارا جۇرگىزىلىپ جاتقانىن اتاپ ءوتتى.
ۇقساس جاڭالىقتار
