يرانداعى مۇناي نىساندارىنا جاسالعان سوققىلاردان كەيىن الەۋمەتتىك جەلىلەردە «قارا ءتۇتىن ارالاس بۇلتتار قازاقستانعا جەتىپ، قىشقىل جاڭبىر جاۋادى» دەگەن اقپارات تارادى. وسى جايتقا قاتىستى ەكولوگيا جانە تابيعي رەسۋرستار مينيسترى ەرلان نىسانباەۆ جاۋاپ بەردى، دەپ حابارلايدى "ادىرنا".
«ورتالىق ازيادا قىشقىلدى جاڭبىر جاۋادى دەگەن قاۋىپ جوق. قازگيدرومەتتەن حابارلاعانداي، بىزدە الداعى اپتالاردا جەلدىڭ باعىتى وڭتۇستىك-باتىسقا اۋىسادى»، - دەدى نىسانباەۆ ءماجىلىس كۋلۋارىندا.
بۇعان دەيىن الەۋمەتتىك جەلىلەردە يران اۋماعىنىڭ ۇستىندە «ۋلى بۇلتتار» تۇزىلگەنى جانە ولار ورتالىق ازيا ەلدەرىنە جەتۋى مۇمكىن دەگەن اقپارات تاراعان. «ۋلى جاڭبىر» كوبىنە ونەركاسىپ، ەنەرگەتيكا جانە كولىك كوزدەرىنەن شىعاتىن كۇكىرت پەن ازوت وكسيدتەرىنەن پايدا بولادى جانە ادەتتە لاستانعان ايماقتارعا جاقىن تۇسەدى.
