Qazaqstan Ulttyq Banki aqsha jymqyrý maqsatynda azamattardyń jeke derekterine ıe bolý úshin bank qyzmetkeri retinde telefon shalatyn alaıaqtardyń kóbeıe bastaǵanyn eskertetti, dep habarlaıdy «Adyrna» tilshisi.
«Ulttyq Bank jeke tulǵalardyń shottaryna qyzmet kórsetpeıdi, aqshalaı esep aıyrysý men mámileler jasamaıdy. Ulttyq Bankte shottardy tek qana Ulttyq Banktiń, ekinshi deńgeıli bankterdiń, shekteýli zańdy tulǵalardyń operaııalaryn esepke alý úshin ashylady.
Osyǵan baılanysty Qazaqstan Ulttyq Banki aqsha jiberińiz degen elektrondy hattar men belgisiz nómirlerden túsken qońyraýlarǵa jaýap bermeýge keńes beredi. Belgisiz bank shottarynyń rekvızıtteri kórsetilgen aıaq asty aqshaǵa tap bolasyz degen habarlama nemese telefon qońyraýy kóbinese alaıaqtardyń áreketi ekenin baıqatady.
Ulttyq Bankten «aqsha jóneltińiz» degen sıpatta kúmándi hat kelse nemese qońyraý tússe, quqyq qorǵaý organdaryna aryzdaný qajet»,–dep jazdy baspasóz qyzmeti.
«Adyrna» ulttyq portaly
