مادەني مۇرا رەيتينگى: قازاقستان كوش سوڭىندا

3874
Adyrna.kz Telegram

مادەني مۇرا رەيتينگى بويىنشا قازاقستان 78 مەملەكەتتىڭ ىشىندە 76 ورىنعا تابان ءتىرىپتى. بۇل تۋرالى ەلىشىلىك ءھام ەلارالىق باق جازدى.

كوش باسىنداعى بەستىك: يسپانيا، يتاليا، گرەتسيا، فرانتسيا مەن مەكسيكا ەكەن. ال كوشتىڭ سوڭىندا ومان تۇر. Energyprom.kz كەستەسىنە كوز جۇگىرتسەك، قازاقستان بۇل رەيتينگتە مۇمكىن دەگەن دەگەن 100 باللدىق يندەكستەن 0,3 بالل عانا جيناعان ەكەن. ال يندەكس بەس نەگىزگى كريتەري بويىنشا ەسەپتەلگەن. ولار: مادەني نىسانداردىڭ قول جەتىمدىلىگى، تاريحي باي مۇرا، تاماق ساپاسى مەن مادەني-گەوگرافيالىق ەرەكشەلىكتەر ت.ب.

مىسالى، «باي تاريحي مۇراسى» دەگەن كريتەري بويىنشا قازاقستان 100-دەن 8,9 بالل جيناعان. «گەوگراتسيالىق ەرەكشەلىكتەرى» جاعىنان 5,3 بالل، «مادەني نىسانداردىڭ قول جەتىمدىلىگى»جونىنەن 5,5 بالل، «تاماق ساپاسى» ءۇشىن 2,5 بالل، «مادەني ەرەكشەلىكتەرى» جاعىنان 0 بالل جيناعان.

ەلىشىلىك ساراپشىلار بىلتىرعى جىلدىڭ قورىتىندىسى بويىنشا، قازاقستان اۋماعىندا ۇزىن-سانى 3,1 مىڭ مالەني-دەمالىس ورىندارى بولعانىن ايتسا، ولاردىڭ 317-ءسى كۇردەلى جوندەۋدى قاجەت ەتەتىن نىساندار ساناتىندا بولعان. تاعى 113-ءى اپاتتى جاعدايدا تىركەلسە، 86-سىنا جىلىتۋ جابدىقتارى ورناتىلماعان. ال جالپى سانى 87 مىڭنان اسا ءىرىلى-ۇساقتى مادەني ءىس-شارالار ۇيىمداستىرىلىپتى. دەسە دە بۇل كورسەتكىش الدىڭعى جىلمەن سالىستىرعاندا 3,5 ەسەگە از بولعان. سونىڭ ىشىندە بالالارعا ارنالعان ءىس-شارالار سانى 4,1 ەسەگە ازايعان.

وتكەن جىلى مادەني ءىس-شارالاردىڭ دەنى (جارتىسىنان كوبى – 21 مىڭى) الماتى، اقمولا (12,7 مىڭ) جانە شىعىس قازاقستان وبلىستارىندا (12,5 مىڭ) ۇيىمداستىرىلىپتى.

رەسمي ستاتيستيكا بويىنشا، قازاقستاندا قازىر بارلىعى 253 مۇراجاي جۇمىس ىستەپ تۇر ەكەن. وندا ۇزىن-ىرعاسى 2,6 ميلليونعا جۋىق ەكسپونات جيناقتالعان. 1 ميلليونعا جۋىق ەكسپونات ەلەكتروندى فورماتقا اۋىستىرىلعان.

جانە ءبىر دەرەك: وتكەن جىلى ەل اۋماعى بويىنشا مۇراجايلارعا بارلىعى 2,4 ميلليون ادام بارعان. بۇل الدىڭعى جىلمەن سالىستىرعاندا 65 پايىزعا از كورسەتكىش ەكەن. سەبەبى دە تۇسىنىكتى. جارتى الەمگە جايىلعان كوروناۆيرۋس پاندەمياسى اتالمىش سالانىڭ جۇمىسىنا دا اجەپتاۋىر تۇساۋ بولدى. دەسە دە، وتكەن جىلى ەلىمىزدىڭ مۇراجايلارىندا (پاندەميالىق شەكتەۋلەرگە قاراماستان) 62,8 مىڭ ەكسكۋرتسيا، 7 مىڭ ءدارىس، 4 مىڭ كورمە وتكىزىلگەن.

 

نۇرگەلدى ابدىعانيۇلى،

"ادىرنا" ۇلتتىق پورتالى

پىكىرلەر