مەملەكەت باسشىسى قاسىم-جومارت توقاەۆ يراك رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى. بۇل تۋرالى بۇگىن، 13 ساۋىردە اقوردا جازدى، دەپ حابارلايدى «ادىرنا» ءتىلشىسى.
قاسىم-جومارت توقاەۆ نيزار ءاميديدى يراك رەسپۋبليكاسىنىڭ پرەزيدەنتى بولىپ سايلانۋىمەن قۇتتىقتادى. مەمەكەت باسشىسى يراك مەملەكەتى مەن حالقىنىڭ جارقىن كەلەشەگىن قامتاماسىز ەتۋگە باعىتتالعان نيزار ءاميديدىڭ باستامالارىنا ساتتىلىك تىلەدى.
سونداي-اق ەكى ەل اراسىنداعى ءداستۇرلى دوستىق پەن ءوزارا قولداۋ رۋحىنداعى ىنتىماقتاستىقتىڭ ودان ءارى دامي تۇسەتىنىنە سەنىم ءبىلدىردى.
ەسكە سالايىق، 11 ساۋىردە يراك پارلامەنتى نيزار موحاممەد سايد ءاميديدى رەسپۋبليكا پرەزيدەنتى ەتىپ سايلاعان ەدى. داۋىس بەرۋدىڭ ەكىنشى تۋرىندا ول 227 داۋىس جيناپ، قارسىلاسى – دەپۋتات مۋتاننا امين نادەردەن ايقىن باسىم ءتۇستى.
