اتىراۋ وبلىستىق پوليتسيا دەپارتامەنتىندە ىشكى ىستەر مينيسترلىگى جۇرگىزگەن تەكسەرىستەن كەيىن بىرقاتار باسشى قىزمەتىنەن شەتتەتىلدى. بۇعان دەيىن الەۋمەتتىك جەلىلەردە تاراعان اقپاراتتى قر ىشكى ىستەر مينيسترلىگىنىڭ ءباسپاسوز قىزمەتى راستادى، دەپ حابارلايدى "ادىرنا".
ۆەدومستۆونىڭ مالىمەتىنشە، ءىىم اۋماقتىق بولىمشەلەردىڭ قىزمەتىنە قاتىستى جوسپارلى تەكسەرۋلەردى تۇراقتى تۇردە جۇرگىزىپ وتىرادى.
"قىزمەتتىك-اسكەري ءتارتىپتىڭ ورەسكەل بۇزىلۋى، ءتيىستى باقىلاۋدىڭ بولماۋى جانە جۇمىستىڭ دۇرىس ۇيىمداستىرىلماۋىنا بايلانىستى ىشكى ىستەر ءمينيسترىنىڭ بۇيرىعىمەن اتىراۋ قالالىق پوليتسيا باسقارماسىنىڭ باستىعى، سونداي-اق اتىراۋ وبلىسى پوليتسيا دەپارتامەنتىنىڭ وزىندىك قاۋىپسىزدىك باسقارماسى مەن ەسىرتكى قىلمىستارىنا قارسى ءىس-قيمىل باسقارماسىنىڭ باسشىلارى قىزمەتىنەن شەتتەتىلدى", – دەلىنگەن ءىىم ءباسپاسوز قىزمەتىنىڭ حابارلاماسىندا.ۆەدومستۆو وكىلدەرى مينيستر ەرجان سادەنوۆتىڭ بۇعان دەيىن دە ءىىم جۇيەسىندە زاڭدىلىق پەن قىزمەتتىك ءتارتىپتى قامتاماسىز ەتۋ باعىتىندا قاتاڭ جانە جۇيەلى جۇمىس جۇرگىزىلىپ جاتقانىن بىرنەشە رەت اتاپ وتكەنىن ەسكە سالدى.
"بۇل جۇمىس جۇيەلى ءارى ءبىرىزدى سيپاتقا يە", – دەپ قورىتىندىلادى ءىىم.ايتا كەتەيىك، 2026 جىلعى 26 ناۋرىزدا الماتى قالالىق پوليتسيا دەپارتامەنتىندە دە رەزونانستى جول-كولىك وقيعاسىنان كەيىن بىرقاتار باسشى قىزمەتىنەن بوساتىلعان بولاتىن.
ۇقساس جاڭالىقتار
