ەلىمىزدە «باسپانا حيت» جانە «7-20-25» مەملەكەتتىك باعدارلاماسىن قارجىلاندىرۋ توقتاعاننان كەيىن تۇرعىن ءۇي باعاسى قالاي قۇبىلادى؟ نارىقتا سۇرانىس تومەندەپ، ءۇي ارزانداي ما، الدە، قۇرىلىس قارقىنى باسەڭدەپ، باعا ودان سايىن كوتەرىلە مە؟ بۇل ساۋالدارعا قازاقستان قۇرىلىس كومپانيالارى قاۋىمداستىعىنىڭ پرەزيدەنتى ۆيكتور ميكريۋكوۆ جاۋاپ بەردى دەپ حابارلايدى «ادىرنا» ۇلتتىق پورتالى «حابار 24-كە» سىلتەمە جاساپ.
ۆيكتور ميكريۋكوۆتىڭ ايتۋىنشا، جەڭىلدەتىلگەن يپوتەكالىق باعدارلامالار توقتاعانىمەن، نارىقتا تۇرعىن ءۇي باعاسى ارزاندامايدى. سەبەبى قۇرىلىسقا قاجەتتى ماتەريالدىڭ باعاسى شارىقتاپ تۇر.
ونىڭ ايتۋىنشا، «باسپانا حيت» جانە «7-20-25» باعدارلاماسىن قارجىلاندىرۋدى توقتاتقاننان كەيىن يپوتەكا نارىعىندا باسكەلەستىك ازايادى. ەكىنشى دەڭگەيلى بانكتەر قارىز بەرۋ پروتسەنتىن ءوسىرۋى دە مۇمكىن. بۇل قاراپايىم تۇرعىنداردىڭ قالتاسىنا سالماق بولادى. سونداي-اق باعدارلامانىڭ جابىلۋى وڭىرلەردەگى قۇرىلىس كومپانيالارىن قيىن جاعدايدا قالدىرادى. ويتكەنى سۇرانىس ازايسا، قۇرىلىس قارقىنى دا باسەڭدەيدى.
ال قازاقستان جىلجىمايتىن مۇلىك فەدەراتسياسىنىڭ باسشىسى ەرمەك مۇسىرەپوۆتىڭ ايتۋىنشا، الداعى كۇندەرى ەلدە جاڭا ۇيلەر 10 پايىزعا، ەكىنشى نارىقتاعى ۇيلەر 15 پايىزعا ارزانداۋى مۇمكىن. وعان جەڭىلدەتىلگەن باعدارلامالاردىڭ جابىلۋىمەن قاتار زەينەتاقى قورىنان قارجى العاندار لەگىنىڭ ازايۋى دا اسەر ەتەدى. سونداي-اق ەlectrocar يمپورتىنا باج سالىعى قوسىلادى.
كەلەر جىلدان باستاپ ەۋرازيالىق ەكونوميكالىق وداق ەلدەرىنە اكەلىنگەن ءاربىر electrocar ۇشىن باج سالىعى الىنادى. ول كولىك قۇنىنىڭ 15 پايىزىنا تەڭ. بىلتىر كوكتەمدە قازاقستان، بەلارۋس، ارمەنيا، قىرعىزستان جانە رەسەي بيلىگى بۇل سالىقتى 2021 جىلدىڭ سوڭىنا دەيىن الىپ تاستاۋ تۋرالى كەلىسكەن ەدى. بىراق بيىل جەڭىلدىكتى ودان ءارى سوزۋعا ەشقايسىسى قۇلىق تانىتپادى. ءوز كەزەگىندە electrocar شىعاراتىن ەۋروپالىق بيزنەس قاۋىمداستىعى باج سالىعىن 2024 جىلعا دەيىن الىپ تاستاۋعا ۇسىنىس جاسادى.
ولاردىڭ ايتۋىنشا، جەڭىلدىك وداق ەلدەرىندە electrocar وندىرىسىن دامىتۋعا ەشقانداي كەدەرگى كەلتىرمەيدى. ايتا كەتەيىك، مامىردىڭ ورتاسىندا رەسەي ۇكىمەتى ەلەكتر قۋاتىمەن جۇرەتىن كولىك نارىعىن دامىتۋعا 418 ميلليارد رۋبل ءبولدى. قارجىنى توعىز جىلدا يگەرۋ جوسپارلانعان.
ال قازاقستان شەت ەلدەن يمپورتتالعان electrocar ءۇشىن ۋتيليزاتسيالىق الىمدى جويۋعا نيەتتى. ءتيىستى قۇجاتتىڭ جوباسى ازىرلەنىپ، مەملەكەتتىك ورگانداردىڭ ماقۇلداۋىنا جىبەرىلگەن. يندۋستريا جانە ينفراقۇرىلىمدىق دامۋ مينيسترلىگى ماماندارىنىڭ ايتۋىنشا، بۇل شارا نارىقتا ەلەكتر قۋاتىمەن جۇرەتىن كولىكتەردىڭ ۇلەسىن ارتتىرىپ، ەلدەگى ەكولوگيالىق احۋالدى جاقسارتۋعا جانە ينفراقۇرىلىمدى دامىتۋعا مۇمكىندىك بەرەدى. ال قوزعالتقىشى جانارمايمەن جۇمىس ىستەيتىن كولىكتەرگە جەڭىلدىك جاسالمايدى. ويتكەنى ۋتيليزاتسيالىق ءتۇسىمنىڭ ازايۋى ەكولوگيانى جاقسارتۋعا باعىتتالعان جوبالاردىڭ تۇرالاپ قالۋىنا اكەلۋى مۇمكىن.
بيىل ءتورت ايدا قازاقستاندىق ماشينا جاساۋشىلار جالپى سانى 24 مىڭ 255 تەحنيكا قۇراستىرعان. ونىڭ ىشىندە جەڭىل اۆتوكولىكتەر، جۇك كولىكتەرى، اۆتوبۋس، تىركەمە جانە ارنايى تەحنيكا بار. قۇراستىرىلعان ءونىمنىڭ جالپى قۇنى – 195,5 ميلليارد تەڭگە. ياعني كارانتيندىك شەكتەۋلەرگە قاراماي، سالا بىلتىرعى جىلمەن سالىستىرعاندا 7,5 پايىزعا وسكەن. قارجىلاي تابىس 12 پايىزعا ارتقان.
مامانداردىڭ ايتۋىنشا، كەيىنگى كەزدە تۇتىنۋشىلاردىڭ وتاندىق ماشينا جاساۋشىلارعا سەنىمى ارتقان. سەبەبى قازاقستان نارىعىنداعى سۇرانىستىڭ 70 پايىزى وزىمىزدە قۇراستىرىلعان تەحنيكانى تاڭداعان.
«ادىرنا» ۇلتتىق پورتالى.
