اقتاۋدا قالا اكىمدىگىنىڭ تاپسىرماسىنا سايكەس قالا تۇرعىندارىن ەلەكتر ەنەرگياسىمەن تۇراقتى ءارى ساپالى قامتاماسىز ەتۋ ماقساتىندا جالپى ۇزىندىعى 76,9 شاقىرىمدىق توزۋ دەڭگەيى ورتا ەسەپپەن 80%-دى قۇرايتىن 17 ەلەكتر جەلىسىن ەكى كەزەڭگە ءبولىپ جاڭارتۋ جۇمىستارى جوسپارلانعان. بۇل تۋرالى اقتاۋ قالاسىنىڭ اكىمى ەسەپ بەرۋ كەزدەسۋىندە باياندادى.
جوبانىڭ ءى-كەزەڭىندە قالانىڭ بىرقاتار شاعىن اۋداندارىن قامتيتىن جالپى ۇزىندىعى 22,5 شاقىرىمدى قۇرايتىن توزىعى جەتكەن ەلەكتر جەلىلەرىن جاڭارتۋ جۇمىستارى جۇرگىزىلدى. ال، ەكىنشى كەزەڭىندە تاعى 8 شاعىن اۋداننىڭ جالپى ۇزىندىعى 54,4 شاقىرىمدى قۇرايتىن 11 ەلەكتر جەلىسىن جاڭارتۋ جۇمىستارى جۇزەگە اسىرىلىپ جاتىر.
سونداي-اق قۋاتتىلىعى 110/10 كۆ بولاتىن حاب-1 جانە حاب-2 قوسالقى ستانتسيالارىنىڭ قۇرىلىسى اياقتالدى. اتالعان جوبالار ەلەكتر ەنەرگياسىن تۇراقتى جەتكىزۋگە جانە باسقا قوسالقى ستانتسيالاردىڭ جۇكتەمەسىن ازايتۋ ارقىلى قالانىڭ جالپى ەنەرگيامەن قامتىلۋىن جاقسارتۋعا مۇمكىندىك بەرەدى. قازىرگى ۋاقىتتا، نىساندى قولدانىسقا قابىلداۋ جۇمىستارى جۇرگىزىلۋدە.
