سىرداريادا ورنالاسقان «Indorama Agro» جاۋاپكەرشىلىگى شەكتەۋلى سەرىكتەستىگىنىڭ ونداعان جۇمىسشىلارى جالاقىنىڭ قىسقارتىلۋىنا جانە ەڭبەك زاڭناماسىنىڭ بۇزىلۋىنا نارازىلىق ءبىلدىردى، دەپ حابارلايدى «ادىرنا» ۇلتتىق پورتالى.
ولار نارازىلىقتارىن ۆەلوشەرۋ ارقىلى جەتكىزدى. ۆەلوشەرۋ 20 مامىردا سىرداريا وبلىسىنىڭ ساردوبا اۋدانىنداعى دجيززاك-گۋليستان تاس جولىندا ءوتتى.
«يندورامانىڭ جۇمىسشىلارى جالاقىلارى از بولعاندىقتان جۇمىستان شىقتى. جالاقى - 1,5 ميلليون سۋم (شامامەن 140 دوللار). ەشتەڭەگە جەتكىلىكسىز»، - دەيدى ۆەلوسيپەدشىلەردىڭ ءبىرى.
«وندا ءبىزدىڭ نە كىنامىز بار؟» - دەپ سۇراعان ماشينا جۇرگىزۋشىلەرىنە نارازىلىق بىلدىرۋشىلەر «ءسىز كىناڭىز جوق، ءبىز شەنەۋنىكتەردىڭ نازارىن اۋدارۋ ءۇشىن شىقتىق» دەپ جاۋاپ بەرەدى.
جەرگىلىكتى باق-تىڭ حابارلاۋىنشا، بيلىك بۇل ءىس-شاراعا تۇسىنىكتەمە بەرىپ، اتالمىش ماسەلەگە ارالاسقىلارى كەلمەيتىندىگىن ايتقان. سەبەبى بۇل - «شەتەلدىك كومپانيا مەن قىزمەتكەرلەر اراسىنداعى قاتىناس».
«Indorama Agro» جاۋاپكەرشىلىگى شەكتەۋلى سەرىكتەستىگى وتكەن جىلى ءوز جۇمىسىن سىرداريا وبلىسىنىڭ اقالتىن جانە ساردوبا اۋداندارىندا باستاعان بولاتىن. ال وسى جىلدىڭ باسىندا كاسىپورىندا جاپپاي قىسقارتۋ باستالدى.
سودان كەيىن «Indorama Agro» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرلەرى باسشىلىقتىڭ وزبەكستاننىڭ ەڭبەك زاڭناماسىن بۇزىپ جاتقاندىعىنا، قىستىڭ قاتتى ايازىندا جانە جازدىڭ ىستىق كۇندەرىندە فەرمەرلەر مەن ديحانداردىڭ «قۇلدار سياقتى قاناۋشىلىققا» ۇشىراعاندىعىنا شاعىمداندى.
ۆيدەونى وسى سىلتەمەدەن كورە الاسىز: https://t.me/vodiybozor/102618
"ادىرنا" ۇلتتىق پورتالى
