الداعى قۇرىلتاي دەپۋتاتتارىنىڭ سايلاۋى قازاقستاننىڭ ساياسي دامۋىنداعى ماڭىزدى كەزەڭدەردىڭ ءبىرى بولماق. ءبۇل تۋرالى ارمەنيالىق ساراپشى گەۆورگ مەليكيان ايتتى، دەپ حابارلايدى "ادىرنا".
ونىڭ ايتۋىنشا، جاڭا كونستيتۋتسيا ەلدىڭ مەملەكەتتىك باسقارۋ جۇيەسىندەگى جاڭا كەزەڭنىڭ قۇقىقتىق نەگىزىن قالىپتاستىرادى. سەبەبى بۇل - نەگىزگى زاڭ قابىلدانعاننان كەيىنگى العاشقى ساياسي ناۋقان.
"سايلاۋعا جەتى پارتيانىڭ قاتىسۋى ەلدەگى ساياسي باسەكەلەستىكتىڭ ارتىپ كەلە جاتقانىن كورسەتەدى. بۇل ازاماتتاردىڭ مەملەكەتتىڭ بولاشاعىنا دەگەن قىزىعۋشىلىعى مەن ساياسي جاۋاپكەرشىلىگىنىڭ قالىپتاسقانىن اڭعارتادى. ال پروپورتسيونالدىق سايلاۋ جۇيەسى پارتيالار اراسىنداعى باسەكەنى كۇشەيتىپ، ولاردىڭ حالىق الدىنداعى جاۋاپكەرشىلىگىن ارتتىرۋعا مۇمكىندىك بەرەدى. سوندىقتان، قۇرىلتاي دەپۋتاتتارىنىڭ سايلاۋى كەزەكتى ساياسي ناۋقان ەمەس. قازاقستاننىڭ جاڭعىرۋ جولىنداعى جاڭا بەلەسى", - دەدى ارمەنيانىڭ تۇراقتىلىق جانە مەملەكەتتىك باسقارۋ ينستيتۋتىنىڭ باسشىسى گەۆورگ مەليكيان.
