قازاقستان ۇكىمەتىنىڭ ماقۇلداۋىمەن باقىلاۋ-كاسسالىق ماشيناسىن جانە تولەم كارتالارىن پايدالانۋ ارقىلى تولەمدەردى قابىلداۋعا ارنالعان قۇرىلعىنى پايدالانۋ تۋرالى زاڭ بۇزۋشىلىقتار تۋرالى حابارلاعان ادامدارعا سىياقى تولەۋ ەرەجەسى بەكىتىلدى، دەپ حابارلايدى «ادىرنا» ۇلتتىق پورتالى.
زاڭ بۇزۋشىلىق تۋرالى حابارلاعان تۇلعاعا 1000 تەڭگە كولەمىندە سىياقى تولەنەدى.
سىياقى الۋ ءۇشىن نە ىستەۋ كەرەك:
- بۇزۋشىلىق فاكتىلەرى تۋرالى اۋماقتىق مەملەكەتتىك كىرىستەر ورگاندارىنا ءموبيلدى قوسىمشا ارقىلى حابارلاۋىڭىز قاجەت;
- بۇزۋشىلىق فاكتىلەرى تۋرالى (چەك بەرمەۋ، بانكتىك كارتوچكانى قابىلداۋدان باس تارتۋ) بۇزۋشىلىق تۋرالى بەينە جازبا بولۋى شارت;
- اقپاراتتىڭ ىشىندە جۇمىس ىستەيتىن جەردىڭ مەكەن-جايى، سالىق سالۋعا بايلانىستى وبەكتىنىڭ اتاۋى (بار بولسا), بۋتيكتىڭ ءنومىرى جانە ساۋدا ۇيىندەگى ورنى(بار بولسا), بازار ورنى (بار بولسا), كەڭسە ءنومىرى (بار بولسا);
- ءوتىنىش بەرۋشىنى سايكەستەندىرۋگە مۇمكىندىك بەرەتىن تەگى، اتى جانە اكەسىنىڭ اتى جانە جسن-ءى بولۋى قاجەت;
- بۇزۋشىلىق فاكتىسى تۋرالى حابارلاعانى ءۇشىن سىياقى الۋعا كەلىسىم الۋ نەمەسە الۋدان باس تارتۋ تۋرالى كەلىسىم.
اتالمىش سىياقى 15 جۇمىس كۇنى ىشىندە ۇيالى تەلەفوننىڭ بالانسىنا اۋدارىلاتىن بولادى.
بۇل زاڭ وسى جىلدىڭ 28 مامىرىندا كۇشىنە ەنبەك.
"ادىرنا" ۇلتتىق پورتالى
