Qazaqstan úkimetiniń maquldaýymen baqylaý-kassalyq mashınasyn jáne tólem kartalaryn paıdalaný arqyly tólemderdi qabyldaýǵa arnalǵan qurylǵyny paıdalaný týraly zań buzýshylyqtar týraly habarlaǵan adamdarǵa syıaqy tóleý erejesi bekitildi, dep habarlaıdy «Adyrna» ulttyq portaly.
Zań buzýshylyq týraly habarlaǵan tulǵaǵa 1000 teńge kóleminde syıaqy tólenedi.
Syıaqy alý úshin ne isteý kerek:
- buzýshylyq faktileri týraly aýmaqtyq memlekettik kirister organdaryna mobıldi qosymsha arqyly habarlaýyńyz qajet;
- buzýshylyq faktileri týraly (chek bermeý, banktik kartochkany qabyldaýdan bas tartý) buzýshylyq týraly beıne jazba bolýy shart;
- aqparattyń ishinde jumys isteıtin jerdiń meken-jaıy, salyq salýǵa baılanysty obektiniń ataýy (bar bolsa), býtıktiń nómiri jáne saýda úıindegi orny(bar bolsa), bazar orny (bar bolsa), keńse nómiri (bar bolsa);
- ótinish berýshini sáıkestendirýge múmkindik beretin tegi, aty jáne ákesiniń aty jáne JSN-i bolýy qajet;
- buzýshylyq faktisi týraly habarlaǵany úshin syıaqy alýǵa kelisim alý nemese alýdan bas tartý týraly kelisim.
Atalmysh syıaqy 15 jumys kúni ishinde uıaly telefonnyń balansyna aýdarylatyn bolady.
Bul zań osy jyldyń 28 mamyrynda kúshine enbek.
"Adyrna" ulttyq portaly
