مەملەكەت باسشىسى جول قوزعالىسىن ۇيىمداستىرۋ ماسەلەلەرى بويىنشا جازىلعان زاڭعا ەنگىزىلگەن وزگەرىستەر مەن تولىقتىرۋلاردى ماقۇلداعان ەدى. قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى اتالمىش زاڭدى العا تارتىپ، بىلاي دەيدى:
"زاڭ رەسمي تۇردە "كازاحستانسكايا پراۆدا" باسىلىمىندا 2023 جىلعى 30 ماۋسىمدا جاريالاندى جانە وسى جىلدىڭ 30 تامىزىنان باستاپ قولدانىسقا ەنگىزىلەدى".
زاڭدا جول قوزعالىسىن قامتاماسىز ەتۋگە ارنالعان كولىك قۇرالدارىنىڭ جاڭا تۇرلەرىنە انىقتاما بەرىلەدى. ولار - "ەلەكتر ساموكاتتار" جانە "شاعىن ەلەكتر كولىكتەرى".
مۇنداي كولىك ءتۇرىن تىزگىندەگەندەر قۇقىق بۇزعان جاعدايدا ءتيىستى زاڭمەن جازاتاناتىن بولادى:
"زاڭ - جولاۋشىلاردى تاسىمالداۋ، جاياۋ جۇرگىنشىلەر وتكەلدەرىنەن ءوتۋ، جارىق شاعىلىستىراتىن زاتتاردى كيۋ جانە جولدا ادامنىڭ جەكە باسىنىڭ قاۋىپسىزدىگىن قامتاماسىز ەتىپ، ەلەكتر قۇرالىنىڭ قاۋىپسىز جۇمىس ىستەۋىنە قويىلاتىن تالاپتاردى بەلگىلەيدى. قۇقىقبۇزۋشىلىقتار انىقتالعان جاعدايدا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 593-بابىنا نەمەسە 620-بابىنا سايكەس قۇقىق بۇزۋشىلىقتىڭ قۇرامىنا قاراي جاۋاپكەرشىلىككە تارتىلادى.
قازاقستان رەسپۋبليكاسى "جول ءجۇرىسى تۋرالى" زاڭىندا جىلدامدىق مەجەسى دە كورسەتىلگەن. زاڭعا سايكەc, تروتۋارداعى ەلەكتر ساموكاتتارىنىڭ جىلدامدىعى - 6 كم/ساع.
قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى ەلەكترلى كولىك قۇرالدارى ارقىلى جول ەرەجەسى بۇزىلعان جاعدايدا پروبلەمانىڭ جەكە قاراستىرىپ، وقيعاعا جەكە باعا بەرىلەتىنىن حابارلادى.
"اكىمشىلىك قۇقىق بۇزۋشىلىقتىڭ كۆاليفيكاتسياسى ءاربىر ناقتى فاكتى بويىنشا جول قوزعالىسى جاعدايىنا بايلانىستى جەكە بەلگىلەنەدى".
2023 جىلدىڭ 27 شىلدەسىندە قازاقستاننىڭ ىشكى ىستەر مينيسترلىگى جول قوزعالىسى ەرەجەلەرىنە جانە كولىك قۇرالدارىن پايدالانۋعا رۇقسات بەرۋدىڭ نەگىزگى ەرەجەلەرىنە تۇزەتۋلەر ازىرلەدى. ەرەجەدە ەلەكتر ساموكاتىنا قاتىستى ەرەجەلەر ەنگىزىلگەن.
"ادىرنا" ۇلتتىق پورتالى
