شۆەيتساريادا بەتتى جاۋىپ تۇراتىن كيىمگە تىيىم سالىندى، دەپ حابارلايدى “ادىرنا” ءتىلشىسى.
شۆەيتساريا پارلامەنتى بەتتى جاۋىپ تۇراتىن كيىمدى، سونىڭ ىشىندە نيكاب پەن حيدجاب – ايەلدەرگە ارنالعان ءداستۇرلى مۇسىلمان باس كيىمدەرىن كيۋگە تىيىم سالاتىن زاڭ قابىلداعان. بۇل تۋرالى Bloomberg اگەنتتىگى جازعان.
شۆەيتساريا حالقىنىڭ 51%-ى 2021 جىلدىڭ اقپانىندا وتكەن جالپىحالىقتىق داۋىس بەرۋدە بەتتى تۇمشالايتىن جابىق كيىمدى كيۋگە تىيىم سالۋدى جاقتاپ داۋىس بەرگەننەن كەيىن عانا تىيىم كۇشىنە ەندى. جاڭا زاڭدى بۇزعاندارعا 1 مىڭ فرانككە، ياعني 1116 دوللارعا دەيىن ايىپپۇل سالىنباق.
Bloomberg اگەنتتىگىنىڭ حابارلاۋىنشا، شۆەيتسارياداعى مۇسىلماندار رەفەرەندۋم كەزىندە زاڭدى قاتتى سىنعا العان. “كۇلگىن باس كيىمدەر” اتتى يسلامدىق ايەلدەر توبىنىڭ ءباسپاسوز حاتشىسى ينەس ال-شيح فرانس شۆەيتساريادا «بار بولعانى 30 ايەل پارانجا كيەتىنىن» ايتتى، بىراق ەلدىڭ فەدەرالدىق ستاتيستيكالىق باسقارماسىنىڭ 2019 جىلى جۇرگىزگەن ساۋالناماسى حالىقتىڭ 5,5 پايىزى مۇسىلماندار ەكەنىن كورسەتكەن بولىپ شىقتى.
ەلدىڭ ادىلەت ءمينيسترى كارين كەللەر-ساتتەر رەفەرەندۋم ناتيجەلەرىنە تۇسىنىكتەمە بەرە وتىرىپ، فەدەرالدىق كەڭەس پەن شۆەيتساريا پارلامەنتىنىڭ بەتتى جاسىراتىن كيىمگە تىيىم سالۋعا قارسى بولعانىن اتاپ ءوتتى. ول شەكتەۋ شتاتتا تۇراتىن مۇسىلماندارعا ارنالماعانىن قوسا ايتتى.
