Perseverance Mars Rovەr اپپاراتى قىزىل پلانەتانىڭ توپىراعىندا 270 مەتر قاشىقتىقتى ءجۇرىپ ءوتتى. اقش-تىڭ قىزىل پلانەتاعا جىبەرگەن Perseverance Mars Rovەr اپپاراتىنان حابار كەلدى. مارستاعى تەمپەراتۋرا +12 گرادۋستى كورەستىپ تۇر. كەيدە پلانەتاداعى اۋا رايى قاتتى سۋىپ كەتەدى، سول كەزدە -101 گرادۋسقا دەيىن جەتەدى ەكەن.
ال، وتتەگىنىڭ مولشەرى جەردەگىمەن سالىستىرعاندا 100 دەن ءبىر بولىگىن قۇراپتى. ونى اپپاراتتىڭ (Mars Oxygen In-Situ Resource Utilization Experiment) MOXIE قۇرىلعىسى انىقتادى. قۇرىلعىنىڭ نەگىزگى فۋنكتسياسى - وتتەگىدەن كومىرقىشقىل گازداردى ءبولىپ الۋ.
Perseverance Mars Rovەr اپپاراتى بۇگىنگە دەيىن مارستا 270 مەتر قاشىقتىقتى ءجۇرىپ، 40 سم تەرەڭدىككە دەيىن توپىراقتارىن قازىپ الىپ، اقتارىپ كورگەن. ال اپپاراتتىڭ درونى 40 مەترلىك ارا اراشىقتىقتا ۇشىپ قونىپ ءجۇر.
Perseverance Mars Rovەr اپپاراتىنىڭ قازىرگى ءاربىر قادامى عىلىمدى وزگەرتەتىن ۋاقىتتا تۇر. اقش-تىڭ ينجەنەر-كونسترۋكتورلارى اپپاراتتىڭ ءاربىر قادامىن اڭدىپ، نە بولار ەكەن دەپ كۇتىپ وتىر. بايلانىس كەي كەزدەرى ءۇزىلىپ كەتىپ جاتىر ەكەن. اپپاراتتىڭ سوڭعى كادرلارىندا كەمپىرقوساق ءتۇسىپ قالعان دەگەن دەرەكتەر دە تىركەلدى. مارستا سۋ بار دەگەن ءسوز. ماماندار قازىر تاعات تاپپاي كۇندىز ءتۇنى اپپاراتتىڭ ءاربىر قادامىن قاداعالاپ وتىر.
عالىمداردىڭ قىزىل پلانەتانى زەرتتەۋدەگى ەڭ قيىن ءارى ەڭ قىزىقتى ءساتى ەندى باستالعان سياقتى. كوپ ۇزاماي اپپاراتتان جاقسى سيگنالدار مەن حابارلار كەلەدى دەپ كۇتىلۋدە. ءوز باسىم قاتتى قىزىعىپ وتىرمىن. جاقسى اقپاراتتار كەلسە ەكەن. سونداي ءبىر تىلسىم الەمنىڭ سىرلارى اشىلىپ جاتقان سياقتى.
بەكبولات قارجان،
"ادىرنا" ۇلتتىق پورتالى
