يلون ماسك: مارسقا بارعان العاشقى ادامدار ءتىرى قايتپايدى

4294
Adyrna.kz Telegram
SpaceX باسشىسى يلون ماسك "قىزىل پلانەتاعا ادامداردى كوشىرۋ العاشقى كەزەڭدە وتە قيىن بولادى، كوپتەگەن قۇرباندىقتارعا جول بەرىلۋى دە مۇمكىن. العاشقى كەزدە ادامدار ءتىرى ورالماي دا قالادى. ادامداردى عارىش كەمەلەرىمەن كوشىرۋ بارىسىندا كوپتەگەن قيىندىقتار تۋىندايدى", - دەپ مالىمدەدى.
"مارسقا العاشقى بارعان ادامدار ءولىپ كەتۋى مۇمكىن. بۇل تۇرپايى ءارى اۋىر ەستىلسە دە، شىندىعىندا وسىلاي بولادى. وندا بارعاندا سىزدە العاشىندا جاقسى تاماق بولمايدى. جاقسى قامتاماسىز ەتىلمەيسىز. سوندىقتان دا ءبىرىنشى ولگەن ادامدى كەيىنگى اشتان قالعان ءتىرى ادامدار جەپ قويۋى مۇمكىن" دەپ اشىعىن ايتتى.
ماسك قىزىل پلانەتانى يگەرۋ جولىندا ەرىكتى ادامدار وراسان تاجىريبە جيناقتاپ، اڭىزدارعا بەرگىسىز جاعدايلاردى باستان وتكەرۋگە تۋرا كەلەدى دەدى. بىراق ءتۇپتىڭ تۇبىندە ادامزات بالاسى وزگە پلانەتالار سياقتى مارستى باعىندىرادى، ءارى مارستا ادامزاتتىڭ ءومىرى جالعاسىن تاباتىنىنا سەنىمدى ەكەنىن ءبىلدىردى.
بەكبولات قارجان،
"ادىرنا" ۇلتتىق پورتالى
پىكىرلەر